120. Бадиий гимнастикада ифодалилик

5.4.2.Texnika asoslari.

Amaldagi qoidalarga ko‘ra to‘pni ushlab turgan qo‘l panjalari yoyilgan bo‘lishi kerak. To‘p qabul qilinishida u panjalar uchlaridan kaft o‘rtasiga tomon biroz dumalagan holda kaftga zarbasiz tushishi lozim.

To‘pni ilib olish amortizatsiyaning yorqin ifodalangan fazasi bilan birga kuzatiladi va bunda gimnastikachi qiz buyumni tushish tezligini silliq pasaytira borishi lozim. Ilib olishni bajarish to‘pni tushib ketishini oldini olish bo‘yicha kuchlanishlar (to‘pni balansda ushlash) bilan murakkablashadi. Buning oqibati sifatida gimnastikachi qizni to‘p bilan turli aylanma, spiralsimon harakatlardan foydalanishiga olib keladi. Bularni bajarish davomida esa buyumni tezligi asta-sekinlik bilan kamaytiriladi va gimnastikachi qiz buyumni yo‘qotmagan holda keyingi harakatga silliq o‘tish imkoniyatiga ega bo‘ladi.

To‘p bilan, ayniqsa katta amplitudada, harakatlanganda panjalarning harakatlari muhim rol o‘ynaydi; ular to‘pni harakatlarini chegaralaydi va uni tushib ketishini oldini olishga xizmat qiladi. Panjalar va qo‘lni shunday harakatlari xarakterli-ki, unda to‘p egri chiziqli traektoriya bo‘ylab harakatida vujudga keladigan markazdan qochma kuch hisobiga kaftga yopishib turadi.

To‘pni yuqoriga irg‘itish, o‘z strukturasiga ko‘ra, halqani, chuqmorni, arqonni irg‘itishga o‘xshaydi.