12. Maruza. Toksikokinetika asoslari. Reja: Toksikokinetika haqida tushuncha. Zaharli moddalarning tushish yo’llari

Zaharlarning organizmga tushish yo‘llari.

Zaharli moddalarning organizmga tushishining uchta asosiy yo‘lga ajratiladi: ingalyatsion, neroral va teri orqali.

a) organizmga sanoat zaharlari tushishining ingalyatsion yo‘li

zaharli moddalarning nafas olish tizimi orqali so‘rilishi ularning organizmga kirishining eng tez yo‘li hisoblanadi (o‘pkalar yuzasi katta – 100 – 120 kv.m, o‘pka kapillyarlari bo‘yicha qon oqimi uzluksiz).

O‘pkaga birinchi navbatda yog‘da yaxshi eruvchi moddalar tushadi. Zaharli moddalar molekulalari havo muhitini qon oqimidan ajratib turuvchi 0,8 mkm(mikrometr) qalinlikdagi alveolyar – kapillyar membrana orqali diffuziya qilganda eng qisqa yo‘l bilan kichik qon aylanish doirasiga o‘tadi va keyin, jigarni chetlab o‘tib, yurak orqali katta qon aylanish doirasi qon tomirlariga yetib boradi va u yerda hamma organlar va to‘qimalarga tarqaydi.