11-mavzu. Qo‘l to‘pi o‘yin texnikasi

Yetti metrlik jarimani bajarish tayanch oyoq to‘pni qo‘ldan chiqarish vaziyatigacha yerdan uzmay bajariladi. Otish texnikasi qo‘lni faol siltash va gavda aylanishi bilan ajralib turadi, to‘pga kerakli kuch beradi. Yakunlovchi harakat to‘pga kerakli yo‘nalish beradi. Otish maydonchadan sakratib bajarilishi mumkin


Harakatlarni birlashtirish va fintlar
Hujumchi o‘yinda turli usullarni chalg‘ituvchi harakatlar bilan almashtirib bajaradi. To‘p uzatish yoki otishga chog‘langan chalg‘ituvchi harakatlar bilan himoyachini muvozanatdan chiqarib, hujumchi undan xalos bo‘ladi va asosiy usullarni qarshiliksiz bajaradi. Bunday fintlar ishonarli qilib bajarilishi
kerak. O‘yinchi turli usullarni o‘yin harakatida birlashtirishi mumkin. O‘yin harakati to‘pni o‘yinga kiritish yoki darvozani ishg‘ol qilishga qaratilgan aniq vazifani hal qiladi. To‘pni uch qadam olib yurib sherigiga uzatib qaytib olinsa, bu yana uch qadam tashlash imkonini beradi. Harakatlar birikishi fintlar
bilan birga bajarilsa yanada muvaffaqiyatli bo‘ladi.

Fintlar to‘pni uzatish, ta’qibdan qochish va otish bilan bajariladi. Ular turli birikishlarda bajarilishi va shu harakatlardan biri bilan tugashi mumkin. Masalan, uzatishda fint bajarib, to‘pni olib yurish bilan biror tomonga ketishi, boshqa tomonga to‘p uzatishi yoki uch qadamdan keyin to‘p uzatishi mumkin.

O‘yinchining turishi, to‘pni qo‘lda ushlash holati va harakatlarni bajarishi uchun qulay bo‘lishi kerak.

To‘p uzatishda fint joydan yoki harakatlanayotganda bajariladi. O‘ng qo‘l bilan to‘p uzatish uchun o‘yinchi fint ishlatib, to‘pni chap qo‘liga oladi. U boshqa tomonga to‘p uzatishi yoki to‘pni himoyachidan gavdasi bilan to‘sib qolishi mumkin

To‘pni otishda, harakatlanayotganda fint bajariladi. To‘pni olib yurgan o‘yinchi otishga chog‘lanadi, keyin harakat yo‘nalishini birdan o‘zgartirib, himoyachidan qochadi. Harakat to‘p uzatish yoki zarba bilan tugaydi. Zarba berishga chog‘- langach, o‘yinchi to‘pni boshqa qo‘liga olishi va harakat yo‘nalishini o‘zgartirib to‘pni gavdasi bilan to‘sishi mumkin.

Yorib o‘tishda fint joydan yoki yurishdan boshlanib, to‘p uzatish yoki otish bilan tugashi mumkin. Yorib o‘tishda to‘p bel balandligida ikki qo‘llab tutiladi: gavda bilan yorib o‘tishga fint qilingach, gavdani burish bilan harakat yo‘nalishi o‘zgartiriladi va boshqa tomonga yorib o‘tish bajariladi. O‘ng tomonga yorib
o‘tish chap oyoqdan boshlanadi, to‘p o‘ng qo‘l bilan yerga tushiriladi. Chapga yorib o‘tishda harakat o‘ng oyoqdan boshlanadi. Shuningdek, fintlar gavda va bosh bilan ham bajariladi. Fint bajarishda asosiysi, uning ishonchliligi bo‘lib, bu
tugaganlik va asosiy harakat ritmini saqlashga bog‘liq.