10-mavzu. Shahar ko’priklari, estakadalari, osma yo’llari va murakkab transport inshootlari bo’yicha asosiy talablar, ularni xisoblash asoslari. Reja

ESTAKADALAR, KO’PRIKLAR VA MURAKKAB TRANSPORT KESIShUVLARIGA BO’LGAN ASOSIY TALABLAR.
Estakadalarga, ko’prik yo’llarga va transport chorrahalariga qo’yiladigan umumiy ishlab chiqarish–ekspluatasion, hisoblash-konstruktiv, me’moriy–rejalash va iqtisodiy talablar avtoyo’llar va shahar ko’priklari talablari bilan bir xil.
Bundan tashqari, ular qo’shimcha talablarni ham qoniqtirishi lozim.
Shahar estakadalariga qo’yiladigan qo’shimcha talablar quyidagilardan iborat:

1. 
   Estakadalarning oraliq uzunligi me’moriy talablarga ko’ra butun inshootning eng kichik qiymati orqali belgilanadi.
   
2. 
   Estakada tayanchlarining joylashishi va poydevorlarni turini tanlash mavjud bo’lgan shahar yer osti tarmoqlari bilan kelishilgan holda bajarilishi kerak.
   
3. 
   Harakat xavfsizligiga qattiqroq talablar qo’yilishi lozim. Qoplama yuzasi avtomobil g’ildiraklari bilan yilning hamma mavsumlarida yaxshi tirmashuvga ega bo’lishi kerak. Qatnov yo’li chegarasi bo’ylab ishonchli to’siq qo’yilishi lozim.
   
4. 
   Suv chetlatish qurilmalari shahar oqava tarmoqlariga biriktirilishi lozim.
   

Avtoyo’llardagi ko’prik-yo’llarga Qo’yiladigan talablar.

1. 
   Ko’prik yo’lning oraliqlari va uning balandligi kesishuvchi yo’lning kengligi, undagi harkat gabaritlari va ko’prik–yo’l ustidagi yo’l bo’ylab ko’rinish shartlari bilan belgilanadi.
   
2. 
   Ko’prik-yo’llar tagidan o’tadigan avtomobil harakatini tayanchlarga va oraliq tagi qurilmalariga urilib ketishidan saqlash ishlarini qilish kerak.
   
3. 
   Ko’prik-yo’l orqali bosh yo’l ikkinchi darajali yo’l ustidan o’tadigan bo’lsa, bosh yo’lning trassasi osma yo’lning turi va konstruksiyasini to’liq belgilaydi.
   

Estakada va ko’prik–yo’llarning eni harakat intensivligiga bog’liq.
Harakatning bitta yo’lkasining eni 3,75-3,5 m. Bir jinsli yengil harakatdagi bitta yo’lkasining o’tkazuvchanlik xususiyati:
I_o’rq 1000-1500 transport birligi soatiga.
Agar estakada, ko’prik-yo’l va ko’prikdan o’tuvchi taxmin qilinayotgan harakatning tarkibi ma’lum bo’lsa, unda intensivlik quyidagi formula bilan aniqlanadi: