1-тема. Киши бизнес ҳӘм исбилерменликтиң ӘҲмийети ҳӘм мазмуны

1.5.2-диаграмма.
Диаграммадағы мағлыўматлардан көринип турғанындай, 1996-2010 жыллар аралығында киши бизнес ҳәм жеке исбилерменлик ушын белгиленген салық ставкалары 38 проценттен 7 процентке шекем, яғный 5,4 есе қысқартылған.
Киши бизнес ҳәм исбилерменлик субъектлерин финанслық жақтан қоллап-қуўатлаў илажлары күшейттирилди. Атап айтқанда, 2009 жыл даўамында киши бизнес ҳәм жеке исбилерменлик субъектлерине 1 трлн. 850 млрд. сўмнан зыят кредитлер ажыратылды (1.5.3-диаграмма).

1.5.3-диаграмма.
Мағлыўматлардан көринип турғанындай, киши бизнес ҳәм жеке исбилерменлик тараўына бағдарланып атырған кредитлер муғдары 2001-2009 жыллар аралығында дерлик 11 есе өскен.
Сондай-ақ, киши бизнес ҳәм жеке исбилерменлик хызметиниң жедел раўажланыўында оларға хызмет көрсетиўши инфраструктура объектлериниң шөлкемлестирилиўи ҳәм хызмет сапасы дәрежесиниң жақсыланып барыўы сезилерли тәсир көрсетпекте (1.5.2-кесте).


1.5.2-кесте. Өзбекстанда исбилерменлик субъектлерине хызмет көрсетиўши инфраструктура объектлери (2010 жыл 1 январь жағдайына, бирликте)

Инфраструктура объектлериниң аты	саны
Коммерциялық банклер филиаллары	1042
Минибанклер	2318
Мағлыўмат-мәсләҳәт орайлары	262
Консалтинг орайлары	327
Аудиторлық фирмалар	113
Оқыў орайлары	917
Баҳалаў компаниялары	138
Товар шийки зат биржасының саўда майданшалары	204
Микрокредит шөлкемлери	32
Кредит аўқамлары	103
Бизнес-инкубаторлар	34
Қамсызландырыў шөлкемлери	32
Брокерлик конторалар	1424

Кесте мағлыўматларынан көринип турғанындай, бүгинги күнде мәмлекетимиз киши бизнес тараўына оннан зыят түрдеги 8 мыңға жақын инфраструктура шөлкемлери хызмет көрсетип, хызмет ушын зәрүр болған шараятларды бермекте.

Буның нәтийжесинде киши бизнес ҳәм жеке исбилерменлик субъектлериниң мәмлекетимизде жаңа жумыс орынларын пайда етиў, халықтың дәраматлары ҳәм материаллық турмыс дәрежесин арттырыўдың әҳмийетли факторы сыпатындағы нәтийжелери салмақлы болып бармақта (1.5.3-кесте).