1. psixologik trening haqida tushunchA. Uning maqsad va vazifalari. Trening xaqida tushuncha. Psixologik treningning maqsadi va vazifalari

8. O‘YIN - GURUH BILAN IShLASh VOSITASI
Trenerning emotsional ta’sir qilishi. O‘yinning jadalligi va sur’ati.
O‘yinlar bizning hayotimizda juda muhim ahamiyat kasb etadi. "O‘yin" atamasi ko‘pchilik tillarda hazil, kulgu, yengillik, huzur-halovat kabi tushunchalarga mos keladi va ijobiy hissiyotlar bilan bog‘liq munosabatlarni anglatadi.

Trening jarayonida o‘tkazilgan har qanday o‘yin o‘zida ikki xil mazmunni aks ettiradi: birinchisi, o‘yinda qatnashuvchilar uchun ma’lum bo‘lgan - dam olish, ko‘ngil ochish, xordiq chiqarish, kayfiyatni ko‘tarish bo‘lsa, ikkinchi ma’nosi, treningni olib boruvchi (boshlovchi) uchungina ma’lum bo‘lib, bunda guruh bilan ishlash jarayonida trener o‘z oldiga qo‘ygan muayyan vazifalarni amalga oshirishi ko‘zda tutiladi. Shu tariqa o‘yin - faqat ko‘ngilxushlik emas, balki guruh yoki biror bir ishtirokchining xulq atvorini boshqarish, o‘zgartirish, shuningdek boshlovchi uchun zarur yo‘nalishda harakatlanish vositasi sifatida namoyon bo‘ladi. Bundan tashqari, o‘yin guruh a’zolarini bir-biri bilan tanishtirish, jipslashtirish, faoliyatga moslashtirish, muammoni hal qilishga tayyorlash kabi ko‘nikmalarni shakllantirish vazifalarini ham bajaradi.

O‘yinni o‘tkazishda albatta umumiy qoidalarni hisobga olish va ularga amal qilish lozim.