1. psixologik trening haqida tushunchA. Uning maqsad va vazifalari. Trening xaqida tushuncha. Psixologik treningning maqsadi va vazifalari

TRENING


Kirish

Respublikamiz mustaqillikka erishganidan so‘ng eng ahamiyatli va ustuvor vazifa sifatida davlat siyosati darajasiga ko‘tarilgan masalalardan biri - ta’lim sohasini isloh qilish masalasi bo‘ldi. Bu boradagi asosiy talablardan biri – kadrlar tayyorlashda sifat darajasini yaxshilashdir. Bu talabga javob berish uchun boshlang‘ich ta’limdan boshlab Oliy ta’limgacha bo‘lgan sohani talab darajasidagi adabiyotlar bilan boyitish maqsadga muvofiq deb topildi va bu borada talay ishlar amalga oshirildi.

Keyingi yillarda ayniqsa psixologiya sohasida yaratilgan adabiyotlar ro‘yxati fikrimizning dalili bo‘la oladi.

Psixologiya sohasining o‘zi ham keyingi o‘n yilliklar mobaynida anchagina rivojlandi. Shuningdek, psixologiya sohasining alohida yo‘nalishlari sifatida Ijtimoiy Psixologik Trening (IPT) tarmog‘i ham rivojlandi. Fan sifatida rivojlanayotgan Trening o‘tkazish metodikasi mazmun jihatdan aynan IPT qanday tashkil etilishi va o‘tkazilishi borasidagi masalalarni yoritishga bag‘ishlanadi.

O‘quv qo‘llanmada ayni kunda muhim soha sifatida rivojlanayotgan treningni barcha bosqichlari, trening turlari, trening o‘tkazishda qo‘llaniladigan usullar batafsil yoritilgan.

Shuningdek, qo‘llanmada trening o‘tkazuvchi duch kelishi mumkin bo‘lgan muammolar va ularni bartaraf etish uchun tavsiyalarga ham to‘xtab o‘tilgan.