1. psixologik trening haqida tushunchA. Uning maqsad va vazifalari. Trening xaqida tushuncha. Psixologik treningning maqsadi va vazifalari

Boshlovchiga ko‘rsatma:

Mashg‘ulotning yakunida o‘z fikrini bildirish istagida bo‘lganlarni tinglab, oilaviy hayot qiyinchiliklarining umumiy shkalasini ishlab chiqish va ishtirokchilar ro‘yxatidagi 1-3 raqamli qiyinchiliklarni alohida ajratib yozish maqsadga muvofiqdir. Har bir guruh ishtirokiga qarab 5 ballgacha baholanadi.

Oila shajarasi

Boshlovchi ishtirokchilarga milliy qadriyatlarning oilaviy hayot mustahkamligiga ta’siri haqida tushuncha beradi. So‘ng o‘yinni quyidagi tarzda olib borish mumkin.

Boshlovchi: Ishonchim komilki, sizlarning har biringiz o‘z ota-onangizning nafaqat ismi, balki familiyasi, shuningdek tug‘ilgan kunlarini ham bilasiz. Oilaning boshqa a’zolarini-chi? Iltimos, ota-onangizning ismi, familiyasini, ularning qachon tug‘ilganliklarini ayting. Ota-onangizning tug‘ilgan yili, oy, kunini aniq eslay olgan bo‘lsangiz, juda soz. Mabodo, eslay olmasangiz hechqisi yo‘q, sira tashvishlanmang hali oldinda imkoniyatingiz bor. Endi oila shajarasini tuzsak. Aristokratlar 10 pushtgacha bo‘lgan avlod-ajdodlarining aniq ismi-familiyasi, tug‘ilgan yili, tarjimai holiga xos faktlarni esda saqlab qolganlar, yozib berganlar hamda bu ma’lumotlarni o‘z farzandlariga qoldirganlar. Bugungi kunda huddi shunday shajarani tuzish biroz mushkul, ammo shunday bo‘lsada hech bo‘lmaganda 3 pushtgacha bo‘lgan avlodlar shajarasini tuzing. Buning uchun ilovadagi sxemadan foydalaning.

"Oila shajarasi"da ko‘rsatilgan barcha qarindoshlarning ismi, familiyasi, tug‘ilgan joyi va vaqtini ko‘rsatishingiz shart.

Boshlovchi murakkabligiga qaramasdan ota-onalar va oila mavzusini muhokama qilishi maqsadga muvofiq. Ushbu etyudni muhokama qilishda unga to‘liq javob olishning imkoniyati yo‘q. Jadvalni oxirigacha to‘ldirishni talab etish shart emas. Sinaluvchilar oila shajarasi ustida ozgina fikr yuritsinlar. Ularni rag‘batlantirish maqsadida 10 balli sistemada baholash kerak.

Bu o‘yin oilaviy muammolar bilan bog‘lik bo‘lgan barcha o‘yinlar kabi o‘ta ehtiyotkorlik va nazokatlilikni talab qiladi. Ish jarayonida ishtirokchilarning emotsional holatini diqqat bilan kuzatish kerak bo‘lganda qo‘llab-quvvatlash lozim.