1. psixologik trening haqida tushunchA. Uning maqsad va vazifalari. Trening xaqida tushuncha. Psixologik treningning maqsadi va vazifalari

"Turmush qurish yoshi va yoshlarning haq-huquqlari" mashqi.

Maqsad: O‘smirlarning turmush qurish yoshi haqidagi bilimlar darajasini aniqlash va bu sohadagi qonunlar mazmuni bilan tanishtirish.

O‘yinning borishi: Boshlovchi ishtirokchilarga quyidagi savollar bilan murojaat qiladi: "Necha yoshdan turmush qurish mumkin?", "O‘zbekiston Respublikasi qonunlarida bu borada nimalar deyilgan?", "Agar oila a’zolaridan kimdir ayolni erga majburlab bermoqchi bo‘lsa yoki uning erga tegishiga to‘sqinlik qilsa, ayol bunday holatda nima qilishi kerak?", "Ayollarni erga majburlab berish yoki ayolning erga tegishiga to‘sqinlik qilinsa, bu holatga nisbatan O‘zbekiston Respublikasi qonunlarida biror bir jazo belgilanganmi ?".

Boshlovchi aytilayotgan fikrlarni flipchartga yozadi va bildirilgan har bir fikrning oqibat-natijalari guruh bilan muhokama qilinadi. Bunda shu narsaga e’tibor berish lozimki, eng so‘nggi xulosa ayolning keyingi hayoti uchun havf tutdirmasligi va muammo iloji boricha kamrok, yo‘qotishlar bilan hal etilishi lozim.

Bu borada qonunchilikdagi mavjud ba’zi hollar bilan ham O‘smirlarni tanishtirgan ma’qul. Xususan, O‘zbekiston Respublikasi Jinoyat kodeksi 136-moddasida aytilishicha, "Ayollarni erga majburlab berish yoki ayolning erga tegishiga to‘sqinlik qilgan shaxs moddiy jarima solishdan 3 yil muddatgacha ozodlikdan mahrum etish bilan jazolanadi".