1. psixologik trening haqida tushunchA. Uning maqsad va vazifalari. Trening xaqida tushuncha. Psixologik treningning maqsadi va vazifalari

"Oilaviy hayotdagi qadriyatlar tahlili" o‘yini

Maqsad: Inson hayotida yetakchilik qiluvchi qadriyatlarni va odamlar orasida sodir bo‘ladigan tushunmovchiliklarning kelib chiqish sabablarini anglash.

Materiallar: Oilaviy hayot qadriyatlari ro‘yxati yozilgan kartochkalar.

O‘yinning borishi: Baxtli oilaviy hayot ta’riflari yozilgan 6 ta kartochka xonaning turli tomonlariga qo‘yiladi. Ishtirokchilar ushbu ta’riflarning har biri bilan tanishib, o‘zlariga ma’qul keluvchi fikrni tanlashadi va ushbu yozuv oldiga borib turishadi. Har bir yozuv oldida yig‘ilgan ishtirokchilar o‘z kichik guruhlarini tashkil etishadi va nima uchun shu ta’rif ularning hayotlarida yetakchi ekanligi haqida asosli dalillar ishlab chiqishadi. So‘ngra har bir guruhdan bittadan vakil chiqib, o‘z guruhining fikrini asoslab beradi. Boshqa guruh a’zolari esa bu chiqishga nisbatan o‘z fikrlarini, e’tiroz va savollarini bildirishlari mumkin.

O‘yin nihoyasida boshlovchi ishtirokchilarning diqqatini quyidagi fikrlarga qaratadi: "Hayotda har bir odam e’tiqod qiluvchi g‘oya va qadriyatlar xilma-xildir. Bu xilma-xillik odamlarning turli harakter va moyilliklarini ifodalaydi. Inson o‘zaro muloqotda mana shu farqlarni doimo hisobga olishi, iloji boricha ularni chetlab o‘tishi, g‘oya va qadriyatlarga qarama-qarshi bormasligi kerak".