1. psixologik trening haqida tushunchA. Uning maqsad va vazifalari. Trening xaqida tushuncha. Psixologik treningning maqsadi va vazifalari

Oila qiyinchiliklari

Hayotning ikir-chikir, mayda-chuydalari go‘yoki oila poydevoriga qo‘yilgan minadir, minani esa faqat yon berish orqali zararsizlantirish mumkin. I.I.Shevelev.

Boshlovchi: Nikohdan o‘tayotganlardan birortasi bo‘lajak oilasida ko‘ngilsizliklar bo‘lishi mumkinligi haqida o‘ylab ham ko‘rishmaydi. Bu esa har bir oila hayotida albatta uchrab turadi. Ko‘ngilsizlik nima? Aqlli, farosatli kishi nikohdan o‘tishdan avval bu haqda o‘ylab ko‘rib, unga jiddiy tayyorgarlik ko‘radi.

Masalan, bo‘lishi mumkin bo‘lgan ko‘ngilsizlik, qiyinchilikni oldindan tasavvur etib, uni bartaraf etish choralarnini o‘ylab ko‘radi. Hammasini oldindan ko‘rib chiqib bo‘lmaydi, deb e’tiroz bildirishingiz mumkin. Hayotiy pozitsiyadan kelib chiqadigan bo‘lsak, u holda hech narsa qilmasdan, hammasi o‘z oqimi bo‘yicha o‘taveradi, deb qo‘l qovushtirib o‘tirishga to‘g‘ri keladi. Keling, birgalikda hayotning birinchi haftasida uchrashi mumkin bo‘lgan qiyinchiliklarni tasavvur etishga harakat qilib ko‘raylik. 10 minut vaqt ichida ularni yozib chiqishingiz kerak bo‘ladi. Tabiiyki, qiyinchiliklar ro‘yxatini tuzib chiqishda o‘z tasavvurlaringizga tayanasiz. Birinchi bosqichda varaqning chap tomonidan ozgina joy tashlab oilaviy hayot qiyinchiliklarini ustuncha shaklda yozib chiqinglar. Ro‘yxat har biringizning qo‘lingizda bo‘lishi kerak. Keyingi bosqichda undan foydalanasiz. Chap tomonda qoldirilgan joyga tegishli raqam qo‘yiladi. Ikkinchi bosqichda 3 minut oralig‘ida har bir kishi o‘zi mustaqil ravishda qiyinchiliklarning oila hayotiga havflilik darajasiga qarab o‘z tasavvuri bo‘yicha ularga raqamlar qo‘yib o‘rin belgilaydi. 3-bosqichda kichik guruhlarga bo‘linib, guruhingiz fikri bilan o‘z fikringizni solishtirib ko‘rasiz.

Fikrlaringiz bir-biriga yaqin, mos kelgan bo‘lsa ularni muhokama qilishingiz mumkin. Siz nima uchun shu vaziyat, holat, muammoni oila hayoti uchun havfli deb hisobladingiz? — kabi savollar berib fikringizga aniqlik kiritib olishingiz mumkin.