1. Мукаддима маълумот дар бораи фан

120.ХУСУСИЯТҲОИ НОРМАИ ЗАБОН ВА БАЪЗЕ МАСЪАЛАҲОИ ОМЎХТАНИ ОН
Пеш аз ин забонро элементи муҳиму устувор ва умумии дар проссеси дуру дарози таърихй аз тарафи ҷамъият қабул шуда ва ба воситаи системаи забони овозии ҷамъият зоҳиршаванда гуфта будем. Дар фасли гузашта нормаро муайян намуда, ба хулоса омадем, ки норма ҳам шақли мавҷуда, ҳам категорияи сосиалй-таърихии забон мебошад. Нормаи забон чунин аломатҳои умумй дорад:

1. 
   Устувор ва интихобй (аз рўи маъно ва шакл ба кадом ҳиссаи нутқ мансуб будани калима) будани элементҳои забон;
   
2. 
   Хусусиятҳои ҳатмй, дуруст ва амалишаванда (ба маънои васеаш: овоз, калима, ибора...) доштани элементҳои забон.
   

Ин ду аломат дар навбати худ хусусиятҳои дохилй ва «зоҳирй»-и забонро то андозае муайян мекунад. Агар устуворй ба амалишавй ва оммафаҳм будани элементҳои забон вобаста бошад, дуруст ва ҳатмй будани онҳо то андозае сохти забонро муайян мекунад Дар амалй ва оммавй гардидани элементҳои забон роли ҷамъият ниҳоят бузург аст. Дар интихобй будани нормаи забон ва сохти он низ ҷамъият (соҳибони забон) роли асосй мебозад. Чунон ки мебинем, аксари элементҳои нормаи забон ду хусусият доранд: Аз як тараф, онҳо чун аломатҳои забонӣ мустаъмал муайян карда шаванд, аз тарафи дигар, бо элементҳои сосиалй-таърихй муайян мегарданд.