1-мавзу:Ўзбекистон тарихи фанининг предмет

Энеолит (мис-тош даври) - милоддан аввалги 4-3 минг йилликлар билан чегараланади.
Бронза даври - милоддан аввалги 3-2 минг йилликлар билан белгиланади.
Темир даври - милоддан аввалги 1 минг йилликнинг бошларидан бошланади.
Сўнгги палеолит қадимги тош асрининг якуний босқичидир. Оҳангарон ҳудудидан сўнгги палеолитга оид Кўлбулоқ макони, Тошкентнинг ғарбидан Бўзсув I макони ҳамда Самарқанд шаҳридан шу даврга оид макон очилган. Бу маконлардан турли хил қуроллар, гулхан қолдиқлари, кўмир парчалари ҳамда ҳайвон ва ўсимликларнинг қолдиқлари топилган.
Сўнгги палеолитдан бошлаб одамлар ғорлардан чиқиб, сунъий турар жойлар - чайлалар, ертўлалар, кулбалар қура бошлаганлар. Натижада улар воҳалар бўйлаб тарқалиб, текисликлар, дарё ва кўллар бўйларига келиб жойлаша бошлаганлар. Сўнгги палеолитнинг энг катта ютуғи антропогенез жараёнининг тугалланиши ҳамда замонавий шаклдаги (кроманён) одамнинг вужудга келишидир. Ибтидоий тўдадан уруғчилик тузуми (матриархат) га ҳам шу даврда ўтилган.
Хулоса қилиб айтадиган бўлсак, палеолит даврида замонавий одамнинг шаклланиш жараёни ниҳоясига етди. Сунъий тарзда олов чиқариш кашф этилди. Инсоният ибтидоий тўда босқичидан уруғ­чилик тузумига ўтди. Меҳнат қуроллари такомиллашиб, турлари кўпая борди. Ибтидоий инсонлар орасида дастлабки диний қарашлар пайдо бўлди.
Ўрта Осиёда мезолит даври мил. авв. 12-7 минг йилликларни ўз ичига олади. Бу даврга келиб музлик даври тугайди. Натижада иқлим мўътадиллашиб, ҳайвонот ва ўсимликлар дунёси ўзгаради. ўқ ва ёйнинг кашф этилиши бу даврнинг катта ютуқларидан биридир. Ибтидоий санъат ҳам шу даврда кенг ривож топади. Ўрта Осиёдан мезолит даврига оид кўплаб ёдгорликлар топилган. Шулардан бири Бойсундаги Мачай ғор-маконидир. Бу ердан тош ва суякдан ясалган турли меҳнат қуроллари, одамнинг бош чаноғи ва тишлари ҳамда бўри, тулки, барс, сувсар, қуён, жайра, олмахон каби ҳайвонларнинг суяклари топилган. Топилмалар мачайликларнинг оловдан кенг фойдаланиб, гўштни олов­да пишириб еганларликларидан далолат беради.
Фарғона водийсидан мезолит даврига оид