1-мавзу:Ўзбекистон тарихи фанининг предмет

Мавзуни такрорлаш юзасидан саволлар

1. Ўзбекистон тарихи фани нимани ўрганади?

2. Тарихни ўрганишда қандай методологик тамойилларга таяниш лозим?
3. Тарихни ўрганишда моддий ва ёзма манбаларнинг тутган ўрни қандай?
4. Комил инсон тарбиясида Ватан тарихининг тутган ўрни ва аҳамияти қандай?
5. Президент Ислом Каримовнинг қайси асарларида Ватан тарихини холисона ёритиш ва ўрганишнинг аҳамияти кўрсатилган?
6. Ибтидоий жамият қандай даврларга бўлинади?
7. Палеолит даврига оид манзилгоҳлар қаерларда ва кимлар томонидан топиб ўрганилган?
8. Мезолит даврига оид манзилгоҳлар қаерларда ва кимлар томонидан топиб ўрганилган?
9. Неолит даврининг ўзига хос хусусиятларини санаб беринг.
10. Ишлаб чиқариш хўжалиги нима, у қачон шаклланди?
11. Деҳқончилик, чорвачилик ва ҳунармандчилик қачон вужудга келди?
12. Бронза даврида инсоният ҳаётида қандай ўзгаришлар содир бўлди?


Таянч тушунчалар
анимизм – жон ва одамни қуршаган муҳитга, руҳларнинг мавжудлигига эътиқод.
антропология – одамнинг келиб чиқиши ва эволюцияси, одамзод ирқларининг пайдо бўлиши, одамнинг тана тузилишидаги нормал фарқ-тафовут, ўзгарувчанлик ҳақидаги фан.
археология – қадимшунослик; қадимги моддий маданият ёдгорликларига асосланиб кишилик жамияти ўтмишини ўрганувчи фан.
бронза даври - милоддан аввалги 3-2 минг йилликлар билан белгиланади.
Замонбобо – Бухоро вилояти Қоракўл туманидаги Замонбобо кўли бўйларида милоддан аввалги II минг йилликда яшаган чорвадор ва деҳқонларнинг қадимий маданияти.
илк палеолит - Ўрта Осиёдаги илк палеолит даври моддий маданият ёдгорликлари милоддан 1 млн. - 100 минг йил аввалги даврларга оид бўлиб, ашел даври деб аталади.
ишлаб чиқарувчи хўжалик – анча вақт уруғни ўсимлик ва ҳайвон егулик маҳсулотлари билан таъминлаб келган зироатчилик ва чорвачиликдир. Зироатчилик термачиликдан бошланган, чорвачилик эса ов ва ҳайвонларни қўлга ўргатишдан келиб чиққан.
матриархат – энг қадимги тузум ривожидаги бир босқич бўлиб, қариндошлик муносабатлари она томонга қараб белгиланган, уруғга ва оилага аёл киши сардорлик қилган.