1-mavzu: Pedagogika nazariyasi fanining mazmuni, maqsad, vazifalari va nazariy asoslari Reja

Ma’lumot - ta’lim-tarbiya natijasida olingan va tizimlashtirilgan bilim, hosil qilingan ko’nikma va malakalar hamda tarkib topgan dunyoqarashlar majmui.
Bilimlar - odamlarning ijtimoiy-tarixiy amaliyot jarayonida to’plangan va umumlashgan tajribasidir. Ilmiy bilimlar obyektiv olamni ancha to’g’ri aks ettiradi. Ilmiy bilimlar doimiy emas, ular hammasi o’zgarib, takomillashib turadi.
Bilimlar asosida o’quvchilarning kuzatuvchanlik, tafakkur, xotira singari bilish qobiliyatlari rivojlanadi, ularda e’tiqod hosil bo’ladi, ilmiy dunyoqarashni shakllantiruvchi g’oyalar tizimi tarkib topadi.
Pedagogika fani tarbiyaviy va o’quv ishlarni mazmuni, tamoyillari, ularni tashkil etish shakllari, usullari hamda yo’nalishlarini belgilab beradi.
Pedagogika fanining asosiy funktsiyasi shaxsni tarbiyalash, o’qitish va ma’naviy yetuk qilib shakllantirishdan iborat.
Pedagogika fanining asosiy tushunchasi barkamol shaxsni tarbiyalashdan iborat. Pedagogika faning asosiy faoliyati oila va jamiyatning barkamol shaxsni shakllantirishga yo’naltirilgan birgalikdagi harakatlar (jarayonlar) majmui.
Tarbiyalash va o’qitish jarayonida (natijasida) odamda muayyan shaxs sifatlari shakllantiriladi. Shaxsni tarbiyalash va o’qitish orqali o’zida oldin bo’lmagan ma’naviy intellektual sifatlarga ega qilinadi. Bu hol shaxsning umri mobaynida uzluksiz davom etadi va bu uning itellektual salohiyatli bo’lib yuksalishiga olib keladi.
Inson va uni shakllantirishga doir fan sifatida PEDAGOGIKA fani, falsafa, etika, estetika, madaniyatshunoslik, psixologiya, iqtisodiyot, siyosatshunoslik, demogorafiya, tarix, adabiyot, pediatriya, matematika, informatika, sinergetika, mantiq, sun’iy tafakkur va boshqa fanlar bilan uzviy bog’liq fan sifatida faoliyat olib boradi.
Pedagogika fani nazariyasi va amaliyoti taraqqiyotida bu fanlarning nazariy asoslari, tadqiqot metodlari, ilmiy xulosalarni aniqlash, tahlil qilish, hamda umumlashtirish usullaridan foydalaniladi.
Pedagogikada ta’lim va tarbiya jarayonlarining qaysi jihatlarini o’rganishdan kelib chiqadigan bir qancha soha va bo’limlar mavjud. Ular:



1. Didaktika - bu o’qitishning maqsadi, vazifalari, tamoyillari, usullari bilan shug’ullanadigan soha. Didaktika pedagogikaning ta’lim jarayonining umumiy qonuniyatlarini o’rgatuvchi qismidir. Didaktika grekcha so’z bo’lib, “didasko” - o’qitish, “didaskol” - o’rgatuvchi degan so’zlardan kelib chiqqan.