1-mavzu. «Pedagogik fanlarni oʻqitish metodikasi» fanining predmeti, maqsad va vazifalari. Reja

Darslikdagi bilim va koʻnikmalarni nazorat qilish materiallari matnidagi nazorat savollari ta'lim oluvchilarni bilim olishga qiziqishlarini, mustaqil fikrlash faoliyatini rivojlantirishga, taqqoslash, sintez va tahlil qilish usullaridan foydalana olish mahoratini shakllantirishga yoʻnaltirilgan boʻlishi kerak.
Darslikdagi informatsion-uslubiy ta'minot - bu ushbu fanga oid asosiy va qoʻshimcha oʻquv manbalari, elektron ta'lim resurslari hamda uslubiy qoʻllanmalarni oʻz ichiga oladi.
Darslikdagi qoʻshimcha ma'lumotlar matniga mazkur darslikdan foydalanish tartibi, oʻquv materalini oʻrganishga tegishli elektron vosita (multimedia, virtual stend, animatsiya va h.k.)lar va ulardan foydalanish tartiblari kiradi.
Oʻquv qoʻllanma - bu darslikni qisman toidiruvchi, muayyan fan dasturi boʻyicha tuzilgan va fan asoslarining chuqur oʻzlashtirishni ta'minlovchi ayrim bob va boiimlarni keng tarzda yoritishga yoki mashqva mashgʻulotlar olib borishga moʻljallangan nashr.
Keyingi paytlarda darslik va oʻquv qoʻllanmalar yaratishga yangicha yondashuvlar paydo boimoqda. Bu borada elektron oʻquv adabiyotlarini yaratish oʻzining ijobiy pedagogik samaralarini bermoqda. Bunda elektron kitob (multimedia kitob, yarim media kitob, gipremedia kitob, intellektual kitob, telemedia kitob, kibernetik kitob)lar, elektron nashr, elektron ta'lim resurslari, elektron uslubiy qoʻllanma, elektron forumlar, elektron shakldagi oʻquv-uslubiy materiallar, elekt­ron oʻquv nashri va shu kabilarning ahamiyati beqiyos. Quyida ular tavsiflarini keltiramiz.
Elektron darslik - bu an'anaviy darslikdan farqli oʻlaroq, fan­ga oid tegishli materiallarni dinamik talqinda, ya'ni foydalanuvchi e'tiborini jalb qiluvchi turli ranglardan, multimedia, audio va video animatsiyalar, gipermurojaatlardan oʻrinli foydalangan holda tuzilgan yoxud dasturlarshtirilgan darsliklar. U kompyuter texnologiyasiga asoslangan oʻquv uslubini qoʻllashga, mustaqil ta'lim olishga hamda fanga oid oʻquv materiallari, ilmiy adabiyotlarning har tomonlama samarali oʻzlashtirilishiga moʻljallangan adabiyot. Shuningdek, u muayyan fanning oʻquv hajmini toʻliq qamragan va masofaviy oʻqitish hamda mustaqil oʻrganish uchun kompyuter texnologiyalariga asoslangan boʻlib, unda materiallar (oʻquv va ilmiy materiallar faqat virtual (matn) shaklida, oʻquv materiallari esa virtual (matn) va ikki oʻlchamli grafik shaklida) multimedia elementlari, ya'ni ma'lumot ikki-uch oʻlchamli grafik koʻrinishida, video, animatsiya va qisman virtual (matn) shaklida, obyektlarga nisbatan harakatlanish tasavvurini ifodalaydigan shaklda yaratiladi.