1-mavzu. «Pedagogik fanlarni oʻqitish metodikasi» fanining predmeti, maqsad va vazifalari. Reja

Elektron kitoblarni yaratish ta'lim tizimiga CD-ROM va multi­media texnologiyalarining keng joriy qilinishi, elektron oʻquv adabiyotlarining ishlab chiqilishiga va ularning ta'lim-tarbiyada samarali qoilanishiga katta imkoniyatlar yaratish jarayonidan iborat boʻladi.
Elektron kitoblar toʻrtta yoʻnalishdan iborat boʻladi. Ular: qomusiy; ma'lumot beruvchi; oʻqituvchi; imtihon oluvchi.
Elektron kitoblar axborot turlari va ularni foydalanuvchiga yetkazib berish bilan shugʻullanadi. Bunda multimediali kitoblar — bu axborotlarni bitta axborot tashuvchi vositasiga jamlagan boʻlib, u matnli, ovozli, statik, dinamik va videotasvirli ma'lumotlardan tashkil topgan boʻladi.
Yarimmedia kitoblar - bu multimedia kitoblardan farqli ravishda ma'lumotlarni yetkazib berishda turli vositalarning kombinatsiyasidan foydalanuvchi kitoblar.
Gipermedia kitoblar- bu multimediali kitoblarning takomillashgan shakli boʻlib, bunda foydalanuvchi asosiy matndan tashqari tur­li qoʻshirncha manbalarga ham (sharhlarga, atamalarning izohlariga, tuzatishlariga) murojaat qilishi mumkin.
Intellektual kitoblar - bu imtihon oluvchi kitoblarga oʻxshash boʻlib, bunda ta'lim oluvchilarning qobiliyatlari, bilim darajalari max-sus testlar yordamida ularning kompyuter bilan muloqot jarayonida aniqlanadi va baholanadi.
Telemedia kitoblar — bu telekommunikatsiya vositalari yordami­da masofadan oʻqitishga xizmat qiluvchi kitobdir.
Kibernetik kitoblar - bu matematik modellashtirish vositalari yordamida hodisalarni va obyektlarni har tomonlama oʻrganish va tadqiq qilishga yordam beruvchi kitobdir.
Elektron ta'lim resurslari - bu muayyan fan boʻyicha yaratilgan elektron oʻquv qoʻllanma, elektron koʻrsatmalar, elektron ma'lumotnomalar, lugʻatlar, virtual stendlar, multimediali vositalar va boshqa elektron nashrlar majmuasidir.
Elektron nashr - bu grafikli, matnli, raqamli, nutqli, mustaqil, videofoto va boshqa axborot obyektlari majmuasidan iborat boʻlib, ular elektron axborot tashuv vositalari yoki kompyuter tarmogʻi orqali taqdim etishga moʻljallangan.
Elektron oʻquv nashri - bu ta'lim oluvchilar tomonidan egallashi lozim boʻlgan bilimlar, koʻnikmalar va malakalarni ijodiy va faol ravishda oʻzlashtirishiga koʻmaklashuvchi nashr boʻlib, u ilmiy-amaliy bilim sohasiga mos ravishdagi tizimlashtirilgan oʻquv materialini oʻz ichiga oladi.