1-мавзу. Мулк ва баҳолаш ҳақида умумий тушунчалар

- жойлашган ерининг истиқболлилиги;
- тахмин қилинаётган кўчмас мулк турига нисбатан талабнинг аҳволи;
- тахмин қилинаётган яхшиланишлар бўйича юридик меъёрлар;
- участканинг жисмоний характеристикалари;
- лойиҳанинг молиявий асосланганлиги.
Участканинг жойлашган ери унинг қийматини белгилаб берадиган асосий кўрсаткич ҳисобланади. Жойлашган ерининг истиқболлилиги участкага эгалик қилиш имконияти, ушбу жойдаги асосий қурилишлар турига ва участкадан фойдаланишнинг тахмин қилинаётган характерига боғлиқ бўлади.
Маҳаллий бозорни таҳлил қилиш натижасида олинадиган бозор талабининг аҳволи участкадан мақсадга мувофиқ равишда фойдаланишнинг энг яхши вариантларини аниқлашга имкон беради. Фаолиятни олиб боришн иривожлантириш лозим бўлган бозорнинг мақсадли сегменти ажратиб олиниши керак, яъни муайян кўчмас мулк турларига бўлган муайян истеъмолчиларни ажратиб олиш лозим. Таҳлил асосида бозорнинг ушбу сегментини эгаллаш борасидаги чора-тадбирлар ишлаб чиқилиши лозим. Талаб ва таклифни таҳлил қилиш натижалари асосида лойиҳани амалга ошириш кўлами ва вақтини аниқлаш учун бозор ҳажмининг коэффициентини ва бозорга кириб келиш коэффициентини ҳисоблаб чиқиш керак бўлади.
Ушбу бозорда амал қилаётган юридик истиқболлар истиқболлилик нуқтаи назаридан асосан чегараланган характерга эга бўлади. Тахмин қилинаётган яхшиланишларнинг қонунчилик ёки бошқа меъёрларга мос келмаслиги сезиларли зарарга, жарималарга ва ҳоказоларга олиб келиши мумкин.
Участканинг жисмоний характеристикалари яхшиланишларни амалга оширишнинг жисмоний имкониятини белгилайди. Жисмоний характеристикаларга участканинг типографияси, муҳандислик-геологик ва гидрогеологик характеристикалари, мавжуд бўлган зоналаштириш, экологик параметрлар ва ҳоказолар киради.
Лойиҳанинг молиявий асосланганлиги пул маблағларининг катталиги ва келиб тушиш вақти ҳамда ишлатилишини ҳисобга олган ҳолда муайян лойиҳани амалга оширишнинг иқтисодий мақсадга мувофиқлигини башорат қилиш имконини беради.