1-mavzu: din madaniyat fenomeni reja

Uyma-uy yurib «Xushxabar» etkazish usulining o‘ziga xos xususiyatlari nimada?
Bu usul missionerlarga odamlar bilan kunning dolzarb muammolari haqida suhbatlashish, ularning dardlariga qiziqish bildirish va ushbu muammolardan chiqish yo‘llarini ko‘rsatib berishni taklif qilib, o‘z tashkilotlariga jalb qilishga asoslanadi. Bu missionerlikni amalga oshirishda eng yaxshi samara beradigan va katta mablag‘ talab qilmaydigan usullardan biri hisoblanadi. Masalan, ushbu usuldan faol foydalayotgan “Iegovo shohidlari” yo‘nalishi a’zolari, o‘zlarini Iso Masih o‘z havoriylariga buyurgan yo‘ldan foydalanayotganlarini ta’kidlashadi.
SHu bilan birga, “Iegovo shohidlari” asosan ayollardan foydalangan holda savdo markazlari, dehqon bozorlari hududlarida da’vatchilik bilan shug‘ullanishga harakat qilishmoqda. Ular muayyan hududda “tayanch nuqta”ni shakllantirish va unga tayangan holda yaqin qo‘shnilar orasida uyma-uy yurib adabiyotlarni tarqatishga ham alohida e’tibor berayotganliklarini ta’kidlash zarur.
Missionerlarning ta’lim-tarbiya sohasiga alohida e’tibor berishlarining sabablari nimada?
Zamonaviy missionerlar turli sohalarda uzviy birlikda, tizimli va tadrijiy ish olib borilgandagina kishilar ongi va qalbini egallash mumkinligini yaxshi tushunishadi. Zero, har bir soha kishilar ongiga ta’sir o‘tkazishning o‘ziga xos va betakror usullariga ega. Ayni paytda, tizimli ish olib borilganda bu usullar va o‘ziga xosliklar bir-birini to‘ldiradi hamda insonni butun hayoti davomida muntazam ta’sir ostida saqlash imkonini beradi.
Insonning hayotda kim bo‘lib etishishi ijtimoiy qarashlar va qadriyatlarni singdirish, mustahkamlashga xizmat qiladigan ta’lim-tarbiya tizimiga bog‘liq. Zero, muayyan bilimlar ta’lim jarayonining o‘zida bevosita va to‘g‘ridan-to‘g‘ri, ilmiy asosda va tizimli tarzda o‘zlashtiriladi. Ta’lim tizimi bosqichlari o‘rtasidagi o‘zaro bog‘liqlik tufayli g‘oya va qarashlarni singdirishdagi tadrijiylik ta’minlanadi. SHu bilan birga, talim jarayonida amalga oshirilgan targ‘ibot natijalarini bevosita tekshirib ko‘rish va uni takomillashtirib borish imkoniyati ham mavjud.
YUqoridagi kabi xususiyatlar missionerlarning ta’lim tizimiga alohida e’tibor bilan qarashini keltirib chiqarmoqda. Adventistlarning dunyo bo‘yicha 5000 dan ortiq o‘quv markazlariga, pyatidesyatniklikning eng yirik yo‘nalishlaridan biri - “Xudo Assambleyalari” cherkovlari bir necha kollej va Bibliya maktablariga egalik qilayotgani ham aynan shu bilan izohlanadi.
Missionerlik bilan shug‘ullanishga harakat qilayotgan ayrim diniy tashkilotlarning u yoki bu o‘rta maktabga yangi o‘quv yiliga tayyorgarlik ko‘rish uchun ta’mirlash materiallari olib berish, ibodatga qatnaydiganlarning bevosita ta’mir ishlarida qatnashishi shaklida yordam berishga harakat qilishlari ortida ham g‘araz maqsadlar yotishini anglash qiyin emas.