1-mavzu: Birinchi jahon urushidan keying davrda Xitoy. Reja

Yaponiya ikkinchi jahon urushi yillarida.

1939 yili ikkinchi jahon urushi tufayli yuzaga kelgan halqaro vaziyatni yapon hukmron doiralari yangi bosqinchilik yurishlari olib borish uchun qulay imkoniyat yaratildi deb hisobladilar. 1940 yili barcha parlament partiyalari tarqatib yuborildi, ular o‘rniga german fashistik – natsistlar partiyasiga o‘xshash yagona “Toj-taxtga ko‘maklashuvchi assotsiatsiya” nomli byurokratik tashkilot tuzildi. 1941 yili yapon harbiy namoyondalari mamlakatda rahbarlikni tamomila o‘z qo‘llariga oldilar va hokimiyat tepasiga general Todzioni harbiy fashistik hukumatini qo‘ydilar. Bu hukumat Tinch okeanida urush harakatlarini boshladi.
Ikkinchi jahon urushi yillarida Yaponiya sobiq fransuz hindi-xitoyini bosib oldi. AQSHga qarashli Gavayi va Filippin orollariga, Angliya qaramligidagi Malayya va Singapur hududlariga hujum qildi. Yaponiya keyinroq Taylandni, Birma va Indoneziyani egallab oldi. AQSH 1942 yildan boshlab Yaponiya qarshi hujumga o‘tdi va ayrim orol, arxipelaglarni undan tortib ola boshladi.
Gitlerchilar Germaniyasi sobiq SSSRga bostirib kirgandan keyin Yaponiya Manjuriyadagi o‘z armiyasini million kishiga yetkazdi, harbiy havo, harbiy dengiz kuchlarini SSSRga qarshi urushga tayyor holga keltirdi. Bunday vaziyatda SSSR o‘z qurolli kuchlarini katta bir qismini Uzoq Sharqda ushlab turishga majbur bo‘ldi.
1941-1945 yillar davomida Yaponiya hukumati va arboblari mamlakatning Germaniyaga sodiqligi haqida ko‘plab bayonotlar berdilar.
1945 yil 5 apreldan SSSR hukumati Yaponiyaga betaraflik haqidagi 1941 yilda tuzilgan sovet-yapon ahdlashuvi bekor etilgani haqida bayonot berdi. Sovet ittifoqi antigitlerchilar koalitsiyasi rahbarlarining Yalta konferensiyasida kelishib olingan muddatda Yaponiyaga qarshi urushga kirdi. SSSR hukumatini 1945 yil 8 avgustdagi bayonotiga Mug‘uliston Xalq Respublikasi ham qo‘shildi va Yaponiyaga qarshi urush e’lon qildi. Sovet Armiyasi Yaponiyaning Kvantun armiyasini tor-mor etdi va yapon militarizmining taslim bo‘lishida muhim rol o‘ynadi.