1 маъруза Кимёвий технология

3 маъруза


Кимёвий технологик жараёнлар
Кимёвий технологик жараёнлар классификацияси
Кимёвий технологик жараёнлар уларни боришини характерловчи кинетик қонуниятларга қараб 5 турга бўлинади:
1. Механик жараёнлар
2. Гидромеханик жараёнлар
3. Иссиқлик жараёнлари (Иссиқлик алмашинув жараёнлари)
4. Массаалмашинув жараёнлари
5. Кимёвий жараёнлар (кимёвий кинетика қонуниятларига бўйсинувчи)
1. Гидромеханик жараёнларнинг тезлиги гидромеханика қонунлари билан белгиланади. Бундай жараёнларга газ ва суюқликларни жойдан жойга кўчириш, суюқ ва газли бир жинсли бўлмаган тизимларни ажратиш ва бошқалар киради.
2. Иссиқлик жараёнларининг тезлиги иссиқлиқ алмашиниш қонунлари билан белгиланади. Бундай жараёнларга суюқлик ва газларни қиздириш ва совутиш, буғларни конденсатлаш, суюқликларни қайнаши киради. Одатда иссиқлик жараёнлари тезлигига иссиқлик алмашинув қурилмаларидаги гидродинамик шароитлар катта таъсир кўрсатади.
3. Массаалмашинув жараёнлари тезлиги массани бир фазадан иккинчи фазага кўчиши қонуниятлари билан белгиланади. Бундай жараёнларга абсорбция, экстракция, суюқликларни ҳайдаш, қуритиш каби жараёнлар киради.
Одатда масса алмашиниш тезлигига массаалмашинув қуриламларидаги гидродинамик шариоит, ҳамда таъсирлашаётган фазаларга иссиқлик узатиш (чиқариш) тезлиги сезиларли таъсир кўрсатади
3. Кимёвий жараёнлар тезлиги кимёвий кинетика қонуниятлари билан белгиланади. Кўпчилик ҳолатларда кимёвий жараёнларнинг тезлиги масса ва иссиқлиш узатиш тезлигига боғлик, улар эса ўз навбатида кимёвий ускунадаги (реактор) гидродинамик шароитга боғлиқ.
5. Механик жараёнлар қаттиқ жисмлар механикаси қонуниятлари билан таърифланади. Уларга қаттиқ материалларни майдалаш, ажратиш (классификациялаш) ва аралаштириш каби жараёнлар мисол бўлади.
Массаалашинув жараёнлари ва аппаратлари
Модданинг бир фазадан иккинчи фазага ўтиши билан борадиган жараёнлар массаалмашинув жараёнлари деб аталади.
Массаалмашинув жараёнларини харакатлантирувчи куч кимёвий потенциаллар фарқи хисобланади. Кимёвий технологияда эса бу ҳолатни концентрациялар фарқи орқали ифодаланади.
Массаалмашинув жараёнлари саноатда кенг қўлланилиб, уларнинг асосийларига қуйидагилар киради:
1. Абсорбция жараёнлари
2. Ҳайдаш ва ректификация жараёнлари
3. Экстракция (суюқликларни) жараёнлари
4. Адсорбция жараёнлари
5. Ионалмашинув жараёнлари
6. Эритиб экстракция қилиш жараёнлари
7. Қуритиш жараёнлари
8. Кристаллаш жараёни
9. Мембрана жараёнлари