1. Kirish. Kompyuterning apparat dasturiy ta’minoti va operatsion tizimlar. Key Point

4.1-rasm. C++ dasturini ishlab chiqish bosqichlari
IDE (Integrated development environment – Birlashtirilgan yaratish muhiti (BYM)). C++ dasturini buyruqlar oynasi (command window) yoki BYM orqali yaratish mumkin. C++da dastur kodini yozish, kompilyatsiya qilish, bajariluvchi faylni hosil qilish va onlayn yordam amallari bitta foydalanuvchi interfeysi – BYMda birlashtirilgan. Hozirda ommabob BYMlarga misol sifatida Microsoft Visual C++, Dev-C++, Eclipse va NetBeanslarni keltirish mumkin.
5. Dasturlashdagi xatoliklar tavsifi
Key point. Dasturlashdagi xatoliklarni uch guruhga ajratish mumkin: sintaksis xatolik, bajarilishdagi xatolik va mantiqiy xatolik.
5.1. Sintaksis xatolik. Kompilyator tomonidan aniqlangan xatoliklar sintaksis xatoliklar yoki kompilyatsiya xatoliklari deyiladi.
Sintaksis xatolik dastur kodini mashina kodiga kompilyatsiya qilish jarayonida kompilyator tomonidan aniqlanadi. Sintaksis xatolik kod tuzilishi buzilganda, kalit so‘zlardagi xatolik, zaruriy belgilarni tashlab ketish, qo‘llanilishi mumkin bo‘lmagan belgilar yozilganda, faqat dastur kodini terishda ishlatiladigan kalit so‘zlar dastur ichida oddiy so‘z sifatida qo‘llanilganda va boshqa shu kabi hollarda yuz beradi.
Sintaksis xatolikka quyidagi dastur va xatolik to‘g‘risidagi kompilyator uzatgan ma’lumotni taqdim etamiz:
1 #include 
2 using namespace std;
3
4 int main ()
5 {
6 cout << “Dasturlash kursi << endl;
7
8 return 0;
9 }
Ushbu dastur Visual C++ muhitida kompilyatsiya qilinsa, u quyidagi xatoliklarni ko‘rsatadi:
1>Test.cpp(4): error C2144: syntax error : ‘int’ should be preceded by ‘;’
1> Test.cpp(6): error C2001: newline in constant
1>Test.cpp(8): error C2143: syntax error : missing ';' before 'return'
Bu yerda asosiy ikki xatolik yuz bergan. Birinchidan, 4-satrning so‘ngida “;” belgisi tushirib qoldirilgan. Ikkinchidan, 6-satrda ochilgan qo‘shtirnoq yopilmagan.