1-keys. 1-vaziyat. Hayot–muallim

Usta: ana xalos, kelgusida Sh.Sharipov faqat menga emas, xatto Sizga ham aytadiganini aytishi mumkin. Yaxshisi Sizni oldingizga kirmaganim ma’qul ekan.
Direktor: agar bugungiga o‘xshash mavzu bilan bo‘lsa, to‘g‘ri qilasiz, kirmaganingiz ma’qul. Xayr, salomat bo‘ling.


Keys bo‘yicha savol va vazifalar:

1. 
   Ustaning hatti – harakatlarini baholang. Bu vaziyatni u qanday hal etishi kerak edi?
   
2. 
   Kirib kelishi bilan yosh ustaga tanbex berib direktor to‘g‘ri ish tutdimi?
   
3. 
   Direktor suhbatni to‘g‘ri olib bordimi?
   
4. 
   Direktor o‘rnida Siz bo‘lganingizda, masalani qanday hal qilgan bo‘lardingiz?
   

7-KEYS.
3-rolli o‘yin. Men baribir ketaman.
Kirish. Muhandis-pedagog kollejdagi pedagogik faoliyatida kasb o‘rganishga qiziqishi va shaxsiy xuksusiyatlari turlicha bo‘lgan o‘quvchilar bilan muloqotda bo‘ladi. Bunday vaziyatlarda undan har bir o‘quvchiga yakka tartibda yondashuv mahoratini namoyish qilinishi talab etiladi.
Maqsad: bo‘lajak muhandis – pedagoglarni o‘quvchi faoliyati motiv-larini rivojlantirish.
Ishtirok etuvchilar: ishlab chiqarish ustasi, Karim - o‘quvchi, fizika o‘qituvchisi, matematika o‘qituvchisi, trener, Karimning otasi, 3-4 nafar ekspertlar.
Karimning otasiga yo‘llanma: Siz 45 yoshdasiz, o‘g‘lingiz Sizni xurmat qilmaydi, u bilan muomalada bo‘lmaysiz.
- Assalomu-alaykum, men o‘g‘limning taqdiri bilan qiziqib keldim. U keyingi paytda to‘p tepishdan bo‘shamay qoldi, o‘quv yurtidan o‘qishni tashlab ketmoqchi bo‘lyapti.
Ustaga yo‘llanma: Siz kollejda 5 yildan buyon ishlamoqdasiz. Muhandis-pedagogik institutnini tugatgansiz. O‘quvchilaringizni yaxshi bilasiz. Jumladan, Karimni o‘qishni tashlab, sport bilan shug‘ullanishga ahd qilganligidan xabardorsiz.
- Biz ham buni sezib turibmiz. U murakkab kasbni tanlagan, lekin qiziqishi yo‘q. Karimning fizika va matematikani o‘zlashtirmayotganligi bizni ham tashvishlantirmoqda. Men hozir o‘qituvchilarni taklif qilaman.
Fizika o‘qituvchisiga yo‘llanma: Sizni kollejda ishlayotganingizga 3 yil bo‘ldi. O‘quvchilarni yaxshi bilmaysiz, maktabda ko‘p ishlaganingiz uchun kollej sharoitiga moslashaolmayapsiz:
- Karim ishlashni xohlaydi, lekin uni qunti yo‘q.
Matematika o‘qituvchisiga yo‘llanma: Siz kollejda 8 yildan buyon ishlaysiz, o‘z faningizni yaxshi ko‘rasiz, o‘quvchilarni faningizga e’tibor-sizlik bilan qarashlarini yoqtirmaysiz.
- Uning oldida hozir ikki yo‘l: yo to‘p, yoki matematika, Karim - ulardan birini tanlashi kerak.
Usta: Karimning otasiga murojaat qilib, men sport murabiysini chaqiraymi? Hozir uni aytib kelaman.
Sport murabiysiga yo‘llanma: Siz kollejda voleyboll seksiyasini boshqarasiz, o‘z kasbinigizni sevasiz, to‘qqizinchi yil ishlashingiz.
- Karim qaysar bola, voleybolni sevadi, har bir usulni qayta-qayta pishitadi. Lekin undan jismoniy tarbiya o‘qituvchisi chiqishi qiyin. U sport o‘quv yurtida o‘qishni xohlaydi, lekin u yerda ham fizika va matematikani yaxshi bilish talab etilishini bilmaydi.