1-keys. 1-vaziyat. Hayot–muallim

1-rolli o‘yin. Tavsifnoma.
Kirish. Ishlab chiqarish ustasi o‘z faoliyatida o‘quvchilar uchun turli tashkilotlarga tavsifnoma yozishga to‘g‘ri keladi. Tavsifnoma unga qo‘yiladigan aniq talablar asosida yozilishi lozim. Afsuski, bu talablarga ko‘p hollarda e’tibor berilmaydi.
O‘yinning maqsadi: ustaning o‘quvchilarga to‘g‘ri tavsifnoma yozishga o‘rgatish.
O‘yinning ishtirokchilari: usta - Karimjon aka, o‘quvchi – Ilhom, 3-4 nafar ekspertlar.
Usta Karimjon akaga yo‘llanma: Siz kollejda 12 yildan buyon ishlaysiz, o‘quvchilaringizni yaxshi bilasiz va sevasiz.
O‘quvchi - Ilhom uchun yo‘llanma: siz bir haftadan so‘ng o‘qishni tugatib, keng profili quruvchi bo‘lasiz, institutga kirish niyatingiz bor. Yaxshi o‘qiysiz, kasb tanlovida birinchi o‘rinni egallagansiz. Lekin, siz atrofdagilar bilan qo‘pol muomalada bo‘lasiz, jamoat ishlarida qatnashmaysiz.
Ekspertlar uchun yo‘llanma: Sizning vazifangiz suhbatni kuzatib borish. Ustaning suhbat olib borish mahorati va uning tutgan mavqeyini baholaysiz.
Muammolik vaziyat.
Ilhom: Menga tavsifnoma zarur bo‘lib qoldi, institutga kirmoqchiman.
Karimjon aka: Ilhom, albatta kollej bitiruvchilarning bir qismiga institutga kirish uchun ruxsat beriladi. Bu haqidagi masala pedagogik kengashda ko‘rildi, lekin senga tavsifnoma berish haqida aniq qarorga kelishgani yo‘q. Bir tomondan, sen mehnatsevarsan, kasb tanlovda birinchi o‘rinni olding, lekin ikkinchi tomondan esa, sen ancha qo‘polsan, jamoat ishlarida ishtirok etmaysan.
Ilhom: ehtimol institut mening birdan-bir orzuim, kelajagimdir. Menga tavsifnoma berasiz, deb o‘ylayman. Axir, Siz mening kelajagimni barbod qilmasangiz kerak?
Karimjon aka: tavsifnomani beramanku-ya, lekin uni qandayligiga ko‘p narsa bog‘liq bo‘ladi.
Ilhom: mana shunaqada, tanlovga qatnashish zarur bo‘lsa – Ilhomni istaysiz, Ilhomga tavsifnoma zarur bo‘lganda – chi, o‘ylab ko‘raman, - deysiz.
Suhbatni shu tariqa 2-3 daqiqa davom ettiriladi. Uning mohiyati usta o‘z nuqtai nazarini himoya qila olishi yoki o‘quvchi ixtiyoriga berilib ketishi bilan belgilanadi.

Keys bo‘yicha savol va vazifalar: