1. Иккинчи жaҳoн уруши йиллaридa прoкурaтурa oргaнлaрининг фaoлияти

34.Ariza prokuror nazorati hujjati sifatida. Uning yozilishiga qо‘yilgan talablarni tahlil qiling."Prokuratura tо‘g‘risida"gi qonunning (yangi tahriri) 41-moddasiga kо‘ra, prokuror fuqarolar, yuridik shaxslar va davlatning huquqlari va qonuniy manfaatlarini himoya qilish uchun sudga ariza bilan murojaat qilish huquqiga ega. Prokurorning arizasi sud tomonidan qonun hujjatlarida nazarda tutilgan tartibda kо‘rib chiqiladi. Prokuror arizasidan davlat boji olinmaydi. “Prokuratura tо‘g‘risida”gi qonunning 26-moddasida prokurorning bu boradagi vakolatlari kuchaytirilib, aholining ma’lum bir tabaqasi manfaatlarini sud orqali himoya qilish vazifasi yuklatildi. YA’ni, fuqarolarning sud tartibida himoya qilinadigan huquq va erkinliklari buzilgan bо‘lsa-yu, lekin u sog‘lig‘i, yoshi (voyaga yetmagan, qariya) yoki boshqa sabablarga kо‘ra sudda о‘z huquq va erkinliklarini shaxsan himoya qilish imkoniyatiga ega bо‘lmasa, da’voni prokuror taqdim etadi va sudda quvvatlaydi. Prokuror arizasi bо‘yicha sudda fuqarolik ishi qо‘zg‘atiladi va kо‘riladi, prokuror da’vogar tariqasida ishtirok etadi. Da’vogar sudga murojaat qilishida biron-bir protsessual maqsadni kо‘zlaydi. Uning bu maqsadi, buzilgan yoki nizoli huquqning yohud qonun bilan qо‘riqlanadigan manfaatning himoya qilinishi tо‘g‘risida sud qaroriga erishishga qaratiladi. Sudda fuqarolik ishi qо‘zg‘atilishida da’vo arizasi yozma shaklda beriladi. Sudga yuborilgan arizaning mazmuniga oid talablar protsessual qonunchilik asosida belgilanadi. О‘zbekiston Respublikasi FPK 149- moddasiga kо‘ra, fuqarolik ishlari bо‘yicha sudlov muhokamasiga yuborilishi lozim bо‘lgan arizada quyidagilar kо‘rsatilishi lozim; ariza beriladigan sudning nomi, da’vogarning nomi va manzili (prokuraturaning nomi va qayerda joylashganligi), javobgarning nomi (familiyasi, ismi va otasining ismi), yashash joyi yoki agar javobgar tashkilot bо‘lsa, uning nomi va qayerda joylashganligi; da’vogarning talabi, agar da’voni baholash lozim bо‘lsa uning bahosi, da’vogar о‘zining talablariga asos qilib kо‘rsatayotgan holatlar va bu holatlarni tasdiqlaydigan dalillar; arizaga ilova qilingan hujjatlarning rо‘yxati. Ariza da’vogar tomonidan imzolanadi (prokuror familiyasi, ismi, mansab lavozimi, daraja unvoni). Prokuror tomonidan boshqa shaxslar manfaatlarini himoya qilish uchun beriladigan arizalarda, kimning manfaatini kо‘zlab berilgan bо‘lsa, о‘sha shaxsning (familiyasi, ismi, otasining ismi), manzili kо‘rsatilishi lozim