1. Иккинчи жaҳoн уруши йиллaридa прoкурaтурa oргaнлaрининг фaoлияти

33.Taqdimnoma prokuror nazorati hujjati sifatida. Uning yozilishiga qо‘yilgan talablarni tahlil qiling.Taqdimnoma Prokuror qonun buzilishi, uning kelib chiqish sabablari va bunga imkoniyat yaratib berayotgan shart-sharoitlarni bartaraf etish to‘g‘risidagi taqdimnomani qonun buzilishini bartaraf etish vakolatlariga ega bo‘lgan organga yoki mansabdor shaxsga kiritadi. Taqdimnoma darhol ko‘rib chiqilishi va ko‘rilgan chora-tadbirlar to‘g‘risida bir oylik muddat ichida prokurorga yozma ravishda ma’lum qilinishi lozim. Taqdimnoma kollegial organ tomonidan ko‘rib chiqiladigan hollarda majlis kuni haqida prokurorga ma’lum qilinadi va u majlisda ishtirok etishga haqlidir Prokurorning taqdimnomasi mazmun jihatidan qonun buzilishlar majmuasini bartaraf etishga qaratilgan hujjat bо‘lib, ushbu xususiyatga kо‘ra boshqa prokuror nazorati hujjatlaridan farqlanadi. Taqdimnoma huquqiy jihatdan sifatli rasmiylashtirilishi va aniqlangan qonun buzilishi holatlari aniq ifodalanishi lozim. Taqdimnoma qonun ijrosi ustidan nazorat materiallariga, muayyan qonunlar ijrosi ustidan nazorat amaliyotini umumlashtirish natijalariga, qonunlar buzilishi tizimi, dinamikasi va sabablariga asoslanadi. Taqdimnomani tayyorlash vaqtida qonunlar buzilishi haqidagi ma’lumotlar va sabablar, ularni keltirib chiqaruvchi omillar haqida davlat idoralari, jamoat birlashmalari va mansabdor shaxslardan olingan ma’lumotlardan ham foydalanish mumkin. Taqdimnoma quyidagilarni о‘z ichiga olishi kerak: jо‘natilayotgan organ nomi, hujjatning nomi «qonun ijrosi ustidan nazorat tartibidagi taqdimnoma»; taqdimnoma chiqarishga asos bо‘lgan faktlar (prokuror tekshiruvi, qonunlar ijrosi ustidan nazorat materiallarining umumlashtiruvi, shikoyatlar tahlili, jinoiy va fuqarolik ishlari materiallari va boshqa manbalar); prokuror tomonidan aniqlangan qonun buzilishining mazmuni, uning sabablari va unga kо‘maklashuvchi shartsharoitlar; taqdimnomaning darhol kо‘rib chiqilishi va aniqlangan qonun buzilishi sabablari, shart-sharoitlarini bartaraf qilish yuzasidan kо‘rilgan choralar tо‘g‘risida bir oylik muddat ichida prokurorga yozma ravishda ma’lum qilinishi; prokurorning mansab lavozimi; uning daraja unvoni; imzosi va sana. Taqdimnomaga qonun buzilishiga yо‘l qо‘ygan shaxslarni intizomiy yoki ma’muriy javobgarlikka tortish haqidagi prokuror talabi ham kiritilishi mumkin. Bu tartib prokuror tomonidan intizomiy yoki ma’muriy javobgarlikka tortish haqida alohida qaror chiqarilmagan holatlarda qо‘llaniladi.