1. Иккинчи жaҳoн уруши йиллaридa прoкурaтурa oргaнлaрининг фaoлияти

35.Ogohlantiruv prokuror nazorati hujjati sifatida. Uning yozilishiga qо‘yilgan talablarni tahlil qiling."Prokuratura tо‘g‘risida"gi qonunning (yangi taxriri) 42-moddasiga muvofiq, prokuror fuqarolarning qonun bilan qо‘riqlanadigan manfaatlariga, huquq va erkinliklariga, jamiyat hamda davlat manfaatlariga zarar yetkazishi mumkin bо‘lgan g‘ayriqonuniy hatti-harakatlar tayyorlanayotganligi xususida ishonchli ma’lumotlar mavjud bо‘lganda huquqbuzarlikning oldini olish maqsadida mansabdor shaxslar va fuqarolarni qonunning buzilishiga yо‘l qо‘ymaslik haqida yozma ravishda ogohlantiradi hamda huquqbuzarlik sodir etganlik uchun javobgarlikni tushuntiradi. Ogohlantiruv tо‘g‘risida prokuror yuqori turuvchi organga (mansabdor shaxsga), shuningdek ogohlantiruv e’lon qilingan shaxsning ish, о‘qish joyi bо‘yicha, ish beruvchiga (ma’muriyatga) yoki yashash joyidagi fuqarolarning о‘zini о‘zi boshqarish organiga ma’lum qilishga haqli. Mansabdor shaxsga qonunning buzilishiga yо‘l qо‘ymaslik haqida ogohlantiruv e’lon qilish jarayonida huquqbuzarlikning oldini olish va profilaktika qilish tadbiri sifatida yondoshish lozim. Prokuror nazorati hujjatining ushbu turini qо‘llashda mansabdor shaxs о‘ziga nisbatan profilaktik ta’sirga ega bо‘lgan muhim jarayon о‘tkazilganligini va uning oldini olmagan taqdirda javobgarlikka tortilishini his qilishi lozim. Ogohlantirilayotgan mansabdor shaxs ushbu tadbir paytida xizmat yuzasidan zimmasiga yuklatilgan vazifalarni talab darajasida bajarmagan taqdirda qanday javobgarlikka tortilishi mumkin ekanligini his etuvchi tarbiyaviy jarayon ekanligini tо‘liq tushunib yetishi kerak. Mansabdor shaxsga ogohlantiruv e’lon qilish paytida u yoki bu huquqbuzarlik uchun javobgarlikni nazarda tutuvchi normativ–huquqiy hujjat mazmuni bilan tanishtirish ushbu hujjatning samaradorligini oshiradi. Mansabdor shaxsga ogohlantiruv e’lon qilishdan oldin tushuntirish xati yozilishi, unga shaxsan e’lon qilinishi, imzo qо‘ydirilishi, shikoyat qilish tartibi tushuntirilishi va bir nusxasi unga berilishi lozim. Ushbu prokuror nazorati hujjatining ta’sirchanligini oshirish maqsadida bir yil davomida ogohlantiruv e’lon qilingan mansabdor shaxs tomonidan qonun buzilishining oldi olinganligi yoki yо‘qligiga qaratilgan nazorat tekshiruvi о‘tkazilishi lozim.