1. Fizik kechalarni tashkil etish va o’tkazish bo’yich uslubiy tavsiya

3. Fizikadan viktorinalar o`tkazish metodikasi

Kechani olib boruvchi jamoalarning ma’ruza va boshqa faoliyatlarini baholash uchun hay’at saylashni taklif etadi. Hay’at saylanadi. Jamoalar o`zlarining chiqishlarini tugatgandan keyin hay’at ularni baholashga band bo`lgan vaqtlarida viktorina o`tkaziladi. Viktorina savollari quyidagicha bo`lishi mumkin:

1. 
   Leonardo da Vinchini birinchi bionik-olim deyish mumkin. Sizlar uning qanday loyihalarini bilasiz?
   
2. 
   Tabiatning qanday patentlari texnikaga joriy etilgan?
   
3. 
   Texnikada qurbaqaning ko`rish prinsipidan qayerda foydalanish mumkin?
   
4. 
   Qaysi hayvonlar Yer qimirlashini oldindan “aytib” beradilar?
   
5. 
   Pingvinlar qanday harakat qiladi va ularning harakatlanish prinsipidan texnikada qayerda foydalaniladi?
   
6. 
   Texnik qurilmalar barpo qilishda o’rgimchakning qanday “ixtirolaridan” foydalanilgan?
   
7. 
   Qanday tirik elektr mashinalarini bilasiz?
   
8. 
   Harakatlanishning ikki usulini biladigan hayvonlarni ayting va unga o’xshash texnikani ko’rsating.
   
9. 
   “Baliq kabi soqov” maqoli to’g’rimi?
   

10)Tasavvur qiling, Orol dengiziga yarim stakan o’tkir hidli modda quyib, butun hajmi bo’yicha aralashtirib yubordik. Suvdagi o’tkir hidli moddaning ana shunday juda oz aralashmasini payqash mumkinmi?

10. 
    Nima uchun hasharotlar yorug’likka qarab uchadi? Ularning bu qobiliyatlaridan texnikada qayerda foydalaniladi?
    
11. 
    “Timsohning ko’z yoshlari” nimani bildiradi?
    
12. 
    Nima uchun baliqlar Yer usti mavjudotlariga nisbatan kuchsizroq skletga ega bo’ladi? Baliqlarning bu xususiyatidan texnikada qayerda foydalaniladi?
    
13. 
    Bionika yordam beradigan muhandislik masalalarini aytib bering.
    

Hay’at jamoalarning faoliyatlarini baholab, ilg`orlarga mukofotlar beradi.

Keyingi vaqtlarda quvnoqlar va zukkolar musobaqasini o`tkazish keng tarqalib bormoqda. U ikkita parallel sinflar o`rtasida maxsus uy topshiriqlari asosida o`tkaziladi. Uy vazifasidan tashqari jamoalar orasida va muxlislar orasida ham musobaqalar o`tkaziladi. Har bir jamoada 6-8 kishi, hay’at a’zolari bitta o`qituvchi va 2-4 ta yuqori sinf o`quvchisidan iborat bo`ladi.

Fizika haftaligi bir o`quv yilida 2-3 marta o`tkazilib, avval uni tashkil etuvchi kengashi tuziladi. Haftalikka atab byulleten, devoriy gazeta, fotomontaj, stendlar (“Fiziklar hazillashayotir”, “Sirli rasmlar”) chiqariladi. Haftalikda yuqori sinf o`quvchilari hamma sinflarda suhbatlar o`tkazadi, konferensiya va radioeshittirishlar tashkil qiladilar, olimlar va ilg`or ishchilar bilan uchrashuvlar uyushtiradi, filmlar festivalini o`tkazadilar. Haftalik yuqori sinf o`quvchilariga bag`ishlangan kecha bilan tugaydi.