1. экономиканы модернизациялаў шараятында есап системасының орны ҳӘМ ӘҲмийети реже

21-статья. Ишки қадағалаў
Ишки қадағалаў бухгалтерия есабын жүритиўде, финанслық ҳәм басқа есабатларды дүзиўде хожалық операцияларын әмелге асырыўдың нызамшылығы, экономикалық тәрептен мақсетге муўапықлығын, активлердиң пүтин сақланыўын тәмийинлеў, талан-тараж қылыў жағдайлары ҳәм қәтеликлердиң алдын алыў ҳәмде анықлаў мақсетинде бухгалтерия есабы субъектиниң баслығы тәрепинен қабыл қылынған есап сиясаты тийкарында шөлкемлестирилген ис-илажлар системасы.
Бухгалтерия есабы субъекти ишки қадағалаўды шөлкемлестиреди ҳәм әмелге асырады.
22-статья. Финанслық есабат
Финанслық есабат бухгалтерия есабы субъектининг есабат сәнесиндеги финанслық жағдайы, есабат дәўириндеги хызметиниң финанслық нәтийжеси ҳәм пул қаржыларының ҳәрекети ҳаққындағы системаластырылған мағлыўматтан ибарат.
Жыллық финанслық есабат төмендегилерди өз ишине алады:

• 
  бухгалтерия балансы;
  
• 
  финанслық нәтийжелер ҳаққындағы есабат;
  
• 
  пул ағымлары ҳаққындағы есабат;
  
• 
  жеке капитал ҳаққындағы есабат;
  
• 
  көрсетпелер, есап-китаплар ҳәм түсиндирмелер.
  

Халық аралық стандартлар бойынша дүзилетуғын финанслық есабатға байланыслы талаплар финанслық есабаттың халық аралық стандартларында белгиленеди.
Бухгалтерия есабы субъекти финанслық есабатты дүзиўде өз алдына балансға ажыратылған өз елшиханаларының, филиалларының ҳәм басқа қурамлық бөлимлериниң бухгалтерия балансларын ҳәм де басқа есабат формаларын киритиў керек.
Финанслық есабат есабат жылы басынан артып барыўшы жуўмақ пенен дүзиледи.
Бюджет шөлкемлериниң финанслық есабаты бюджет арасындағы нызам ҳүжжетлерине муўапық дүзиледи ҳәм көрсетиледи.
Финанслық есабаттың қурамы ҳәм мазмуны Өзбекистан Республикасы Финанс Министрлиги тәрепинен белгиленеди.
Банклер ҳәм басқа кредит мекемелериниң финанслық есабатының қурамы ҳәмде мазмуны Өзбекистан Республикасы Орайлық банки тәрепинен белгиленеди.
23-статья. Консолидацияласқан финанслық есабат
Тийкарғы хожалық жәмийети болған ҳәм сыңар хожалық жәмийетлерине, өз қадағалаўы астындағы шөлкемлерге ийе бухгалтерия есабы субъекти консолидацияласқан финанслық есабатты дүзеди.
Консолидацияласқан финанслық есабатты дүзиў тәртиби, сондай-ақ тийкарғы хожалық жәмийетиниң қадағалаўы астындағы шөлкемлерге қойылатуғын талаплар бухгалтерия есабы стандартлары менен белгиленеди.
Усы статья талаплары министрликлер, мәмлекет комитетлери, ведомостволар ҳәм бюджет шөлкемлериниң жәмленген финанслық есабатына енгизилмейди.