1-боб. “Қишлоқ ХЎжалиги иқтисодиёти”фанининг предмети, Ўрганиш услублари, мақсад ва вазифалари

Эксперимент (тажриба) усули. Бу усул табиий фанларда 
асосийлардан ҳисобланиб, иқтисодий воқеа-ҳодисаларни ўрганишда кенг 
қўлланилади. Ўрганилаётган воқеа-ҳодисага омиллар таъсирини, унинг 
ривожланиш қонуниятларини билишда қўлланилади. Қишлоқ хўжалигида 
меҳнатга хақ тўлаш, хўжалигиҳисоби, ижара пудрати ва бошқаларда 
экспериментлар ўтказилган.
Ҳисоб-конструктив усули.Келажакда муаммони ҳал этишнинг илмий 
асосланган йўлларини аниқлаб беради. Ушбу усул агросаноат мажмуи (АСМ) 
тармоқларини ривожлантириш дастурларини ишлаб чиқишда қўлланилади.
Иқтисодий-математик усулиўз ичига математик статистика, ишлаб 
чиқариш функциялари ва иқтисодий-математик моделлаштирилишини олади 
ва ҳ.к. 
Асосий тушунчалар 
Иқтисодиёт - чекланган иқтисодий ресурслардан унумли фойдаланган 
ҳолда инсонлар учун зарур ҳаётий воситаларни ишлаб чиқариш ва 
истеъмолчига етказиб беришга қаратилган фаолиятлар бирлигини 
таъминловчи иқтисодий тизим. 
Биринчидан, иқтисодиёт - бу жамиятни моддий бойликлар ва хизматлар 
билан таъминловчи иқтисодиёт тармоқларининг мажмуидир. Иккинчидан, 
иқтисодиёт - бу ишлаб чиқариш жараёнида вужудга келадиган ишлаб 

---

чиқариш муносабатларидир. Учинчидан, иқтисодиёт - бу фан. Шунингдек, 
иқтисодиёт деганда ҳам фан, ҳам амалиёт тушунилади. 
Бозор иқтисодиёти -маҳсулот ишлаб чиқариш, айрибошлаш ва пул 
муомаласи 
қонун-қоидалари 
асосида 
ташкил 
этиладиган 
ҳамда 
бошқариладиган иқтисодий тизимдир. 
Қишлоқ хўжалиги - моддий ишлаб чиқаришнинг асосий ва энг қадимги 
тармоқларидан бири бўлиб, аҳолига озиқ-овқат маҳсулотлари ва саноат учун 
хом-ашёнинг асосий қисмини етказиб беради. Қишлоқ хўжалиги асосан 
иккита йирик тармоқ - деҳқончилик ва чорвачиликдан иборат. Бу икки соҳа 
аҳоли учун деҳқончилик ва чорвачилик маҳсулотлари етказиб беради.