1-боб. “Қишлоқ ХЎжалиги иқтисодиёти”фанининг предмети, Ўрганиш услублари, мақсад ва вазифалари

Қишлоқ хўжалигинингмуҳим вазифаси - мамлакат аҳолисини озиқ-
овқат билан таъминлашдир. Ушбу масалани фақатгина қишлоқ хўжалиги 
ишлаб чиқаришининг иқтисодий самарадорлигини ошириш орқали ҳал этиш 
мумкин. 
Қишлоқ хўжалиги иқтисодиёти - фан сифатида тармоқда иқтисодий 
қонунларнинг намоён бўлиши, уларнинг қишлоқ хўжалиги ривожига таъсири 
ва қишлоқ хўжалиги ишлаб чиқаришида иқтисодий қонуниятларнинг 
ишлашини ўрганади. 
“Қишлоқ хўжалиги иқтисодиёти” фанининг предмети - қишлоқ 
хўжалигида иқтисодий қонунларнинг амал қилиш механизми, аграр соҳада 
ишлаб чиқариш муносабатларини тадқиқ қилишдан иборат. 
“Қишлоқ хўжалиги иқтисодиёти” фанининг тадқиқот объекти - бу 
мамлакат қишлоқ хўжалигида турли қишлоқ хўжалиги товар ишлаб 
чиқарувчиларининг ташкилий иқтисодий шакллари фаолиятидир. 
“Қишлоқ хўжалиги иқтисодиёти” фанининг асосий мақсади - бозор 
иқтисодиётининг турли босқичларида қишлоқ хўжалиги иқтисодиётининг 
назарий ва амалий масалалари бўйича эркин бозор қонун ва қонуниятларини 
шакллантиришдир. 
“Қишлоқ хўжалиги иқтисодиёти” нинг тармоқ фани сифатидаги 
вазифалари -аграр соҳада кўп укладли иқтисодиётни ривожлантириш; 
қишлоқ хўжалигида рақобат муҳитини яратиш; бозор ҳолати, талаб ва 
таклифни таҳлил қилган ҳолда ресурслар бозорини ривожлантириш 
стратегияларини ишлаб чиқиш; илғор фан-техника ютуқларидан ҳамда 
инновацион 
технологиялардан 
фойдаланиб, 
ишлаб 
чиқаришни 
интенсивлаштиришнинг асосий йўналишларини ишлаб чиқиш; қишлоқ 
хўжалигида 
инвестицион 
ва 
инновацион 
фаолиятнинг 
устувор 
йўналишларини ишлаб чиқиш; қишлоқ хўжалигида ишлаб чиқаришни давлат 
томонидан тартибга солиш даражаси ва йўналишларини иқтисодий жихатдан 
асослаб бериш.

---