1-боб. Бухгалтерия ҳисобининг концепциялари ва тамойиллари

Узоқ мудатли инвестициялар. Узоқ мудатли инвестициялар - бир йилдан узоқ бўлган муддатда эгалик қилишга мўлжалланган қимматли қоғозларга қўйилган инвестициялардир, Улар, одатда инвестицион портфелда улушли (акциялар) ва қарз (узоқ муддатли облигациялар) қимматли қоғозлар билан ифодаланган бўлади.
Узоқ мудатли инвестициялар ҳисобда аввал сотиб олиш қиймати бўйича тан олинади ва сўнгра балансда қуйидаги қийматларда ҳисобга олиниши мумкин:

• 
  сотиб олиш қиймати бўйича;
  
• 
  қайта баҳолаш қиймати бўйича;
  
• 
  амал қилаётган бозорда ташкил топган бозор қийматига эга қимматли қоғозлар бутун инвестицион портфель асосида аниқланадиган сотиб олиш ва бозор қийматларининг энг камқиймати бўйича ҳисобга олиниши мумкин.
  

Жорий ва узоқ муддатли қўйилмалар сифатида сотиб олинадиган қимматли қоғозлар, иккита алоҳида қимматли қоғозлар портфелини акс эттиради ва сотиб олиш ва хаққоний (бозор) қийматларидан энг ками бўйича баҳолаш усули ҳар бир портфель учун алоҳида қўлланилади.
3.БХХАга мувофиқ инвестицияларни туркумлаш
Инвестициялар улушули ва қарз қимматли қоғозлари билан акс эттирилган бўлиши мумкин.
Акциялардан ташқари, улушли қимматли қоғозлар сифатида эгалик ҳуқуқини ва мулк улушини (капитал) сотиш ёки ҳуқуқини тасдиқловчи ҳар қандай молиявий инструмент хизмат қилиши мумкин, қонвертация қилинадиган облигациялар, корпорация - эмитент томонидан чиқарилган ва қайта сотиб олинган акциялар, шунингдек тўланишга тақдим этилиши мумкин бўлган имтиёзли акциялар бундан мустасно. Улушли қимматли қоғозлар одатда оддий ва имтиёзли акциялар билан ифодаланган бўлади:
Қарз қимматли қоғозлар одатда облигациялар, хазина векселлари, депозит сертификатлари ва хоказо билан ифодаланади. Облигация - инвесторлар орасида жойлаштирилган. эмитентнинг мажбурияти шаклини акс эттирувчи молиявий инструментдир. Облигациялар маълум муддатгача тўлакиши лозим ва фоизларнинг даврий тўланиб боришини талаб қилади. Облигация эгаси компания унга қарздор эканлигини тасдиқловчи сертификат олади.