1-боб. Бухгалтерия ҳисобининг концепциялари ва тамойиллари

Молиявий ҳисобот корхона умумий ҳисоботининг таркибий қисми ҳисобланади ва Бухгалтерия ҳисоби миллий андозалари (БХМА) ёки Молиявий ҳисоботнинг халқаро андозалари (МХХА) га асосан тайёрланади. Молиявий ҳисобот ўз ичига асосий молиявий ҳисоботларни ҳамда ушбу ҳисоботларга асосланган ёки боғлиқ бўлган изоҳлар, ҳисоблар ва тушунтиришларни киритади.
Молиявий ҳисобот концепциялари қуйидагилардан иборат:

• 
  Молиявий ҳисобот тайёрланишининг мақсадлари;
  
• 
  Молиявий ҳисоботнинг сифат тавсифлари;
  
• 
  Моливий ҳисоботнинг элементлари;
  
• 
  Моливий маълумотларни тан олиш ва ўлчаш мезонлари;
  
• 
  Молиявий ҳисоботни тайёрлаш тамойиллари.
  

6.Молиявий ҳисоботни тузиш мақсадлари
Молиявий ҳисоботнинг мақсадлари хўжалик юритувчи субъектнинг молиявий холати, фаолияти, молиявий холатидаги ўзгаришлар тўғрисида маълумотдан фойдаланувчиларга тегишли маълумотларни тақдим этишдир. Лекин, молиявий ҳисобот фойдаланувчилар томонидан иқтисодий қарорларни қабул қилиш учун барча маълумотларга эга эмас, чунки ҳисоботлар, асосан, ўтган даврда содир этилган воқеаларни акс этади.
Шундай қилиб, молиявий ҳисобот фойдаланувчилар эхтиёжларини қондириш ва уларга қуйидаги мақсадларни амалга ошириш учун тақдим этилади:
1.Инвестицион қарорларни ва кредитларни тақдим этиш юзасидан қарорларни қабул қилиш
2.Хўжалик субъектнинг келгуси пул оқимларини баҳолаш;
3.Хўжалик субъектга ишониб топширилган ресурслар сабабли, унинг ресурслари ва мажбуриятларини баҳолаш;
4.Рахбарият фаолиятини ҳақконий баҳолаш.
Молиявий ҳисоботларда субъектнинг ўз мажбуриятларини бажариши ва сармояларни қайтариши учун даромад ва келгусида пул тушумларини олиш кобилиятини истиқболларини аниқашга ёрдам берадиган ахборот акс эттирилиши керак. Ҳисоботлар корхона бошқарилишини баҳолаш мақсадида ҳам фойдаланилади. Ҳисоботларда қуйидаги ахборотлар акс эттириши лозим:
а) ҳисобот даврига корхонанинг иқтисодий ресурслари, мажбуриятлари ва капитали/соф активлари;
б) ҳисобот даврига корхонанинг иқтисодий ресурслари, мажбуриятлари ва капитали/соф активларида содир бўлган ўзгаришлар;
в) корхонанинг иқтисодий холати.