1-боб. Бухгалтерия ҳисобининг концепциялари ва тамойиллари

1-3. АХЛОҚНИНГ ЭТИКА МЕЪЁРЛАРИ
Машқни ўқинг. Бухгалтер этика меъёрларига риоя қилдими?
Агар риоя қилинмаган деб ҳисобласангиз, нима ва нимага риоя қилинмаганлигини аниқланг?
Малика нима қилиши керак эди?
Малика спорт товарларини сотадиган дўконлар тармоғига эга бўлган "Спорт-Тошкент" компанияси молиявий бўлимининг рахбаридир. Ундан янги дўкон учун бино тавсия этишни сўрайдилар.
Янги дўкон жойлаштиришни режалаштирилган шахар туманида Маликанинг амакисига қарашли бинолар ва савдо майдони бор. Малика амакиси билан унинг майдонида бино ижарасини гаплашишга қарор қилади. Малика шу райондаги яна бир неча дўкон ва савдо майдонлари эгалари билан боғланди. Аммо унинг амакисини дўкони ижара учун иқтисодий жихатдан энг манфаатли бўлиб чикди. Шунинг учун Малика янги дўконни амакисининг савдо майдонида жойлаштиришни маслахат берди.
Малика ўз рахбариятига маслахат берганда, ушбу савдо майдонининг эгаси унинг амакиси эканлигини айтмади.


1-4. БУХГАЛТЕРИЯ ҲИСОБИНИНГ ТАМОЙИЛЛАРИ
Харфлар билан белгиланган, қуйидаги тамойиллар ва сифат тавсифларидан қайси бири қуйида келтирилган моддалар учун қўлланилади:
а) Айни пайтлилик
б) Даромадлар ва харажатларнинг мувофилик тамойили
в) Тўлиқ ёритиш
г) Консерватизм
д) Баҳолаш тамойили
е) Муҳимлик

1.____1997 ва 1998 йилларда ТМЗни ҳисобга олишнинг бир хил усуллари қўлланилади.

2.____Бухгалтерия балансини тузиш муддатига компаниянинг расмий хеч қандай мажбуриятлари бўлмаса ҳам судда компания мажбурияти вужудга келиши мумкинлиги ҳақида тушунтириш хати молиявий ҳисоботларда келтирилади.

3.____Кичик касса орқали амалга ошириладиган барча тўловлар бошқа харажатлар счётига

дебетланади.

4.____Чакана савдо магазини ойлик молиявий ҳисоботларни тайёрлаш мақсадида ТМЗлар

бўйича тўлиқ жисмоний ҳисобини амалга оширмайди, балии ҳисоб маълумотларини ишлатади.

5.____ТМЗлар таннарх ёки бозор қиймати бўйича энг паст нархда баҳоланади.

6.___Узоқ муддатли инвестициялар сотиб олиш қиймати бўйича баҳоланади.

7.____Йирик ишлаб чиқариш фирмаси томонидан сотиб олинадиган ва фойдаланадиган майда асбоб-ускуналар харажат сифатида акс эттирилади.

2-БОБ _______МОЛИЯВИЙ ҲИСОБОТЛАРНИНГ ТАВСИФИ