1-боб. Бухгалтерия ҳисобининг концепциялари ва тамойиллари

1-1. МУҲИМЛИК
Баъзи моддалар, агарда улар муҳим бўлса, тушунтириш хатларида ёритилиши керак. Сиздан қуйидаги моддалар муҳим ёки муҳим эмаслигини аниқаш талаб этилади. ўз жавобларингизни асосланг.

1. 
   Бу йилнинг охирида ўтган йилда сотиб олинган актив бўйича нотўғри амортизация ҳисобланганлиги аниқланди. Ушбу актив бўйича амортизацияни ҳисоблашдаги хато 4000 сўмни ташкил этди. ўтган йил учун компаниянинг соф фойдаси 550 000 сўмни ташкил этди.
   

2. 
   2001 йилнинг бошида, 2000 йил учун молиявий ҳисоботлар тайёрланмасдан олдин, компаниянинг энг йирик мижози тўсатдан ўзининг банкротлигини эълон қилганлигини аниклайди. 2000 йил охирида мижознинг компания олдида қарзи йўқ эди, лекин 2001 йилнинг бошида у кредитга катта суммалик товар сотиб олди, қарзини тўламади ва бу суммалар қайтарилмайдиган бўлиб колди.
   

3. 
   Ресторанлар тизимида айрим ишчилар томонидан ўғирлик қилиш холатлари аниқланди.Компаниянинг ҳисоби бўйича 2 йил мобайнида 2 000 сўмлик нақд пул ва озик-овкатлар ўғирланганлиги аниқланди. Компаниянинг йиллик ўртача даромади 300 000 сўмни ташкил этади.
   

4. 
   Патентни бузганлиги учун компаниянинг рақобатчиси уни судга берди. Агар компания судда ютқазса, у ишлаб чиқаришни ва сотишни тухтатиши керак бўлади. Компания реализациясинин умумий миқдори 500 000 сўм бўлиб, бу патент бўйича товарнинг сотиш суммаси эса 100 000сўмга тенг. Компанияни айбдор деб тан олиш эхтимоли юқори.
   

1-2. КОНСЕРВАТИЗМ Фойда

• 
  Автомобилнинг баланс баҳоси 50 000 сўм миқдорида кўрсатилган. Компанияга у учун
  

70 000сўм таклиф этилди.

• 
  Компания баланс баҳоси 400 000 сўмлик бинони сотишга қарор қилди. Унинг бозор баҳоси 500 000дан ва 600 000гачани ташкил этади.
  

• 
  Компания шубхали деб ҳисобдан чиқарган мижоз қарзини ундириб олиш бўйича келишувга эришди.
  

Зарарлар

• 
  Баланс қиймати бўйича ТМЗ 50 000 сўм миқдорида кўрсатилган, лекин компания реализациянинг жорий соф қиймати тахминан 35 000 сўмга тенг, деб ҳисоблайди.
  

• 
  Мижоз 3 ой учун тўловни ўтказмади ва ҳозир у тўловни яна 6 ойга узайтиришни таклиф этади.У шу вақтгача қарзнинг бошланғич миқдорини тўлай олиш эхтимоли мавжуд деб ҳисоблайди.
  

• 
  Кассани тўсатдан текшириш натижасида нақд пул камомади аниқланди. Касса учун масъул шахс камомад суммасини 2 хафта давомида қайта тиклашга ваъда беради.