1-боб. Бухгалтерия ҳисобининг концепциялари ва тамойиллари

Ушбу бобни ўрганиб чиққач Сиз қуйидагиларни билишингиз лозим:

1. 
   Счётлар, хўжалик операцияларни акс эттириш ва молиявий ҳисоботларнинг таркибини
   
2. 
   Баланс тенглиги, доимий ва вақтинчалик счётларни
   
3. 
   Молиявий ҳисобот турларини
   
4. 
   Бухгалтерия баланси тавсифини
   
5. 
   Молиявий натижалар тўғрисидаги ҳисобот тавсифини
   
6. 
   Моливий ҳисоботларни ёритиш тартибини
   

1.Счётлар, хўжалик операцияларини акс эттириш ва молиявий ҳисоботларнинг элементлари
Молиявий ҳисоб ҳақидаги жорий ахборотлар маълум бир ресурслар, мажбуриятлар, хусусий капитал ва улардаги ўзгаришларни расмий ёзувлари ҳисобланувчи счётларда акс эттирилади. Амалий иш фаолияти даврида бухгалтер учта муаммонини ечиб бориши лозим: 1) хўжалик операцияси қачон содир этилди (идентификация муаммоси), 2) хўжалик операциясининг қиймат кўриниши қандай (баҳолаш муаммоси), 3) хўжалик операциялари қандай тартибда туркумланиши лозим (туркумлаш муаммоси).
Счётларнинг еттита асосий турлари (молиявий ҳисоботнинг элементлари - 1-сонли мавзуга каранг) иккита асосий туркумга ажратилган: догший счётлар (активлар, мажбуриятлар ва хусусий капитал) ва вақтинчалик счётлар (даромадлар, харажатлар, фойда ва зарарлар).
Молиявий ҳисоботлар элементлари

Баланс Доимий счётлар

1.Активлар 2.Мажбуриятлар 3.Хусусий капитал

Активлар = Мажбуриятлар + Хусусий капитал(1)

Молиявий натижалар туғрисида ҳисобот Вақтинчалик счётлар

4.Даромадлар 5.Харажатлар 6.Фойда 7.Зарарлар