1-боб. Бухгалтерия ҳисобининг концепциялари ва тамойиллари

Узоқ муддатли векселлар ва гаров хатлари. Узоқ муддатли вексел - қарз муддатларини белгилайдиган расмий хужжатдир. Векселлар одатда конкрет харидлар ёки маълум мақсадларга учун мўлжалланга.н қарзлар учун қўлланилади. Облигациялар, аксинча, капитал суммасини кўпайтиришга мўлжалланаган.
Векселлар, умуман олганда, облигацияларга қараганда нисбатан қисқа муддатли бўлади ва одатда биржа ёки бозорларда сотилмайди.
Гаров хатлари - реал активлар билан таъминланадиган, узоқ муддатли қарзнинг шаклиларидан биридир. Фоизлар тўлови тўланганидек, асосий қарз суммасининг бир қисмини ўз ичига оладиган, тегишли ойлик тўловлар билан тўланади.
Қўшимча модда ва ёритишлар. Фирмалар одатда мол етказиб берувчилар билан битимларни узоқ муддатли ва кафолатланган товар ва хизматлар манбаси бўлиши учун тузадилар. Шартсиз сотиб олиш мажбурияти - бу белгиланган ёки минимал хажмдаги товарлар ва хизматлар учун маблағлар ўтказиш бўйича келгуси мажбуриятдир.
Лойихавий молиявий келишув - бу унинг ёрдамида янги тузилган кохонанинг қарзи иккита ёки ундан ортиқ инвестицион субъектлар кафолати билан мустахкамланган келишувдир. Масалан, А,В ва С компаниялари қўшилган ҳолда X Компаниясининг минерал излашини унга бошланғич маблағлар берган ҳолда, инвестициялаши мумкин. X Компанияси бозорда каттароқ суммаларни қарзга олади ва кейинчалик ишлаб чиқариш ишга тушгандан кейин, тушумлар эвазига қарзларни тўлашга ваъда беради. X компанияси оқилона ставкалар бўйича қарзлар олиши учун, А, В ва С компаниялари қарзни кафолатлайдилар. Кейин ҳамма нарсани мураккаблаштиран ҳолда, А, В ва С компаниялари X компанияси маҳсулотининг маълум бир қисмини сотиб олишни ваъда қиладилар. Муаммо шундан келиб чикадики, хомий-компаниялар X компаниясининг қарзини ўз балансларида акс эттиришга мажбур эмас.Бироқ БҲХС X компаниясига нисбатан ўз мажбуриятларини молиявий ҳисоботларда белгилар ёрдамида очиб беришларини талаб қилади. Шунингдек, бу келишувлар қўшма корхоналар сифатқца қаралганда бу қўлланилиши мумкин деган эхтимол бор. Балансдан ёки иш циклидан, агар у узоқроқ давом этса, кейин бир йил давомида жорий активлардан тўланадиган, узоқ муддатли қарзнинг бир қисми жорий мажбурият сифатида акс эттирилади.