1-боб. Бухгалтерия ҳисобининг концепциялари ва тамойиллари

Сотиш нархини ҳисоблаш:
ЖК 8%, 5 йил (1 000 000 х 0,6806) +АЖК4%,5 йил (45 000 х 8,1109) = 680 660+364 990 = 1 045 650
Ўтказмадаги тегишли ёзув:
Дт Пул маблағлари 1 045 650
Кт Кечиктирилган устама (облигациялар бўйича мукофот).45 650
КтТўланадиган облигациялар 1 000 000
Бу хўжалик операциясидан кейин баланс тузганда «Узоқ муддатли мажбуриятлар» бўлими қуйидагича кўринишга эга бўлади:
Узоқ муддатли мажбуриятлар 1045 650
Тўланадиган облигациялар 1 000 000
Тўланмаган мукофот 45 650
Мукофот облигацион қарз муддати давомида фоиз даромади ҳисоб варағига ҳисобдан чиқарилади.
Чегирма ва мукофот атамалари облигация эмиссияларининг салбий ёки ижобий сифатларини кўрсатмайди. Улар шунга ўхшаш облигациялар бўйича фоиз даромади ставкасини бозор ставкаларига мослаштириш учун сотиш баҳосидаги тузатишлар нингажаси ҳисобланади.
Фоизлар тўлаш орасидаги муддатда облигацияларнинг сотлиши. Бундай ҳолда. инвестор фоизлар тўловлари орасидаги муддатда, облигацияни сотиб олганда, фоизлар бўйича охирги тўловлар санаси ва облигациянинг сотиш санаси орасидаги жорий қийматини тўлайди. Сўнгра фоизлар тўловининг кейинги муддати келганда инвестор бутун муддат учун фоизлар бўйича суммани олади. Шундай қилиб, инвестор томонидан облигациялар сотиб олинганда тўланган фоизлар эмитентлар томонидан фоизлар тўлови куни келганда унга қайтарилиб берилади. Фараз қилатик, 12%ли 1 000 000 сўм қийматга эга бўлган, фоизлари бир йилда икки маротаба 1 январ ва 1 июлда тўланадиган облигация 12 % бозор ставкаси 1 майда чиқарилган. Инвестор эмитентга 1 000 000 сўмга қўшимча равишда 4 ой учун фоизларни қўшган ҳолда тўлайди. 1 май холатига ўтказмалар:
Дт Пул маблағлари1 040 000
Кт Бошқа мажбуриятлар40 000
Кт Тўланадиган облигациялар 1 000 000
Кейинги фоизлар бўйича тўлов муддати етиб келганда инвестор фоизлар бўйича суммани бутун давр бўйича олади. Шундай қилиб, облигацияларни сотиб олишда инвестор томонидан тўланган фоизлар эмитент томонидан фоизлар тўланадиган кун етиб келганда унга қайтарилади:
1 июл холатига:
Дт Фоизлар бўйича харажатлар 20 000
Дт Бошқа мажбуриятлар40 000
Кт Тўланадиган фоизлар60 000
7. Облигацияларни муомаладан чиқариш ва облигацияларни акцияларга ўтказишни ҳисобга олишнинг тартиби.