1-БЎлим. Бахтли ҳаёт асослари бахтнинг баҳоси қанча?

ҚЎЛ ТЕРЛАШИ САБАБЛАРИ ВА ДАВОСИ 
Қўл терлаши эркакларни кўпинча ноқулай ҳолга солиб қўяди, уларнинг руҳиятига салбий 
таъсир кўрсатади. Доимий стресс, ўзига ишончсизлик, имкониятларига паст баҳо билан қараш каби 
омиллар оила бошлиқлари бўлмиш эркакларнинг касбий муваффақиятга эришишларига тўсқинлик 
97
Манба: Маърифат Орифжонова, “Дардингизни олай”, 71-72-бетлар. 

---

126 
қилиши мумкин. Бундай одамлар бошқалар билан қўл бериб кўришишдан қочишади. Бу эса ўзгалар 
билан бўладиган учрашувлар самимий ўтишига халал беради. 
Шу билан бирга, айрим кишилар қўли терлайдиган одам билан бир марта кўришганидан сўнг 
бошқа саломлашмасликка ҳаракат қилади. Хўш, кафти доим нам бўлиб юрувчилар бундай вазиятда 
қандай йўл тутишлари лозим? Бунинг сабаблари нима, уни қандай бартараф этиш мумкин? 
Умумий маълумот. 
Инсон организмида тахминан 2-5 миллион дона тер ажратувчи безлар бор. Уларнинг кўп қисми 
қўлда, оѐқ кафтларида жойлашган. Тер ажралиб чиқиш жараѐни организм учун жуда муҳим 
ҳисобланади. Жумладан, мазкур жараѐн орқали организмдан ортиқча иссиқлик энергияси, зарарли 
моддалар чиқариб юборилади. Бироқ айрим инсонларда тер ажралиб чиқиши меъѐри бузилган бўлади. 
Бу нарса уларга кўп муаммо келтиради. 
Тиббиѐтда тер чиқишининг меъѐридан ортиши гипергидроз деб номланади. Гипергидроз 
умумий ѐки локаллашган бўлиши мумкин. Умумий гипергидроз кучли руҳий зўриқиш, жисмоний 
машғулотлар, иссиқ шароитда кузатилиши одатий ҳол ҳисобланади. Шунингдек, организм 
кучсизланганида, турли касалликларга чалинганда ҳам гипергидроз рўй беради. Локаллашган 
гипергидрозда эса асосан қўл, оѐқ кафтлари терлайди. 
Қўл терлаши сабаблари. 
Бунинг сабаби, аввало, физиологик омилларга бориб тақалиши мумкин. Кўп ҳолларда қон-
томир дистонияси, буйрак усти безлари интенсив ишлаши, қалқонсимон безлар фаолияти бузилиши 
натижасида бўлади. Шу сабаб кучли кафт терлашига дучор бўлганлар зудлик билан терапевт, 
невропотолог ѐки эндокринолог кўригидан ўтишлари, гипергидроз сабабларини аниқлаб, тегишли 
чора кўришлари шарт. 
Организм соғлом бўлган ҳолда кафтлар терлаши эса асосан турли стресс, асабий вазиятда 
организмда кўп миқдорда адреналин ишлаб чиқарилиши билан боғлиқ.