1-basqısh (20 minut) Ózbekstan respublikasíndaǵÍ ekonomikalíQ, sociallíq-siyasiy waqíyalarǵa baylaníSLÍ maǵLÍwmatlar

Ózbekstan Respublikası Prezidentiniń

Qararı

https://uza.uz/oz/posts/ozbekiston-davlat-konservatoriyasi-huzuridagi-botir-zokirov-nomidagi-milliy-estrada-sanati-institutini-tashkil-etish-togrisida_311519

INSAN QADIRIN ULÍǴLAW– EŃ JOQARÍ BAXÍT
Prezident Shavkat Mirziyoyev orınlardaǵı qurılısshılıq isleri, iri joybarlar menen tanısıw, xalıq menen ushırasıw maqsetinde 11-oktyabr kúni Qashqadárya wálayatında boldı.

Mámleketimiz basshısı saparın Qarshi rayonındaǵı Abu Muin Nasafiy mazarın zıyarat etiwden basladı. Quran tilawat etildi, Jaratqannan jurtımızǵa tınıshlıq, párawanlıq tilep duwa etildi.

Bul ullı oyshıl XI asirde jasaǵan. Moturidiya táliymatınıń dawamshısı, aqida (isenim) iliminiń jetik bilgiri retinde dinimiz tazalıǵın saqlaǵan, aljasqanlardı aǵartıwshılıq penen tuwrı jolǵa baslaǵan. Lekin uzaq jıllar onıń miyrasları da, zıyarat ornı da itibardan shette qalıp ketken edi.

Prezident Shavkat Mirziyoyev baslaması menen alım mazarı abat hám úlken zıyarat ornına aylandırıldı. Mámleketimiz basshısı usı qurılısshılıq jumısları menen tanıstı.

Bul jerde jańa meshit, muzey, kitapxana hám basqarıw ımaratları qurılǵan. Terekler, gúller egilip, ájayıp baǵ jaratılǵan. Abu Muin Nasafiy kitaplarınıń atı hám úgit-násiyatları jazıp qoyılǵan. Zıyarat ornında XI ásirge tiyisli estelik hám qudıq, XIII asirde qurılǵan eski meshit te saqlanıp qalǵan.

Prezidentimiz jańa meshit hám muzeydi kirip kórdi. Muzeyde Abu Muin Nasafiydiń ómiri hám dóretpeleri multimedia quralları arqalı sáwlelendirilgen. Bul jerde áyyemgi Samarqand qaǵazına jazılǵan Quranı kárimnıń túp nusqası, tawarǵa toqıp jazılǵan múqaddes ayatlar da saqlanıp atır.

Shavkat Mirziyoyev alım dóretpeleri búgingi kúnde de aktuallıǵın, olardıń mańızın xalqımızǵa, jaslarǵa jetkiziw kerekligin aytıp ótti. Sol maqsette Qarshi mámleketlik universiteti qasında Abu Muin Nasafiy atındaǵı ilimiy oray shólkemlestiriw usınısın bildirdi.

Shavkat Mirziyoyev Qarshi qalasındaǵı Prezident mektebinde qashqadáryalı saylawshılar menen ushırastı.

Mámleketimizde qánigelestirilgen bilimlendiriwdiń jańa sisteması - Prezident mektepleri dúzildi. Bıyılǵı jılda Qarshi qalasında da sonday mektep paydalanıwǵa tapsırıldı.

Mámleketimiz basshısı Qashqadárya wálayatına saparı payıtında bul bilimlendiriw ornın kózden keshirdi.

168 orınlı mektep imaratı hám jataqxana Prezident mektepleri standartı tiykarında qurılǵan. Pán bólmeleri, laboratoriyalar, sport zallarında eń zamanagóy sharayatlar jaratılǵan.

Bıyılǵı jılı mektepke 10 mıńnan zıyat oqıwshı hújjet tapsırıp, sonnan 144 i qabıllandı. Tálim procesi rawajlanǵan mámleketler tájiriybesi tiykarında islep shıǵılǵan oqıw jobaları hám programmaları boyınsha inglis tilinde alıp barıladı. Onıń ushın eń maman oqıtıwshılar, atap aytqanda, 10 shet elli qánige tartılǵan. 15 orınlı oqıtıwshılar mıymanxanası qurılǵan.

Prezident Shavkat Mirziyoyev oqıwshılar menen sáwbetlesti.

- Bul ómirińizdegi birinshi eń úlken jeńisńiz. Áne sol jeńis penen sizlerdi qutlıqlayman, ata-anańızǵa raxmetler aytaman. Óz keleshegińizge tiykar jaratıp atırsız. Waqıttan, bul sharayatlardan ónimli paydalanıńlar. Búgingi tabıs - tariyx. Jáne de kóbirek oqıp, izleniwden toqtamańlar. Keleshekte jańa Ózbekstannıń múnásip perzentleri bolıp jetisesizlar. Men buǵan isenemen,- dedi mámleketimiz basshısı.

Prezident mektebi menen wálayattaǵı basqa mektepler ortasında tájiriybe almasıwdı jolǵa qoyıw, sol tiykarda anıq pánlerdi oqıtıw metodologiyasın jańalaw zárúrligi aytıp ótildi.

Mámleketimiz basshısı Qashqadárya wálayatı Repressiya qurbanları esteligi muzeyin barıp kórdi.

Ózbekstan Respublikası Prezidentiniń 2020-jıl 8-oktyabrdegi buyrıǵına muwapıq, repressiya qurbanlarınıń esteligin máńgilestiriw hám miyrasların úyreniw boyınsha kóp jumıslar islenip atır. Qaraqalpaqstan Respublikası hám barlıq wálayatlarda repressiya qurbanları muzeyi dúzildi.

Qashqadáryadaǵı muzey Odina meshitinde jaylastırılǵan. Bul tereń mániske iye. Sebebi ol tariyxıy orńn.

Odina meshiti 1386-jılda Sahıpqıran Ámir Temur tárepinen qurılǵan. 1868-jılı Patsha Rossiyası shabıwılı dáwirinde meshittiń áywan bólegi topqa tutılıp, wayran etilgen. Totalitar dúzim dáwirinde dáslep qoymaxanaǵa (skladqa), 1938-jıldan qamaqxanaǵa aylandırılǵan.

- Totalitar dúzim dáwirinde xalqımızdıń qádir-qımbatı, insaniy abıroyı hám namısı ayaq astı etilgen. Sonday teberik orınnıń qamaqxanaǵa aylandırılǵanı da buǵan mısal. Biz búgin mámleketimizde insan qádirin kótermelewge ayrıqsha itibar qaratıp atırmız. Ótkenler húrmetin de ornına qoyıwımız kerek. Bul jerde Repressiya qurbanları esteligi muzeyi shólkemlestirilgeni - tariyxıy ádalattıń tikleniwi,- dedi Prezident.

Muzey 11 bólimnen ibarat. Olarda Turkistan úlkesinde alıp barılǵan kolonizatorlıq siyasatı hám repressiyalardı sáwlelendiriwshi kem ushraytuǵın tariyxıy fotosúwretler, kartalar, buyımlar hám basqa derekler sáwlelendirilgen.

Sonıń menen birge, muzeyde jaslar klubı hám de kitapxana shólkemlestirilgen.

Mámleketimiz basshısı usı jerde jurnalistlerdiń sorawlarına juwap berdi.
“ZAKOVAT” OYÍNLARÍ JASLAR ORTASÍNDA ǴALABALÍQ AǴARTÍWSHÍLÍQ HÁREKETKE AYLANDÍRÍLADÍ
Buxara wálayatı Romitan rayonındaǵı “Bukhara Desert Oasis” atlı turizm mákanında “Zakovat” intellektuallıq oyınınıń final basqıshı bolıp ótti.

Bul jerge Ózbekstan Respublikası Prezidenti Shavkat Mirziyoyev kelip, oyındı kórdi.

Finalda Xorezm hám Nawayı wálayatı jámáátleri oynadı. Juwmaqta Xorezmliler jeńimpaz boldı.

Ilaj sońında Prezident Shavkat Mirziyoyev shıǵıp sóyledi.

- Sizlerdiń mine usınday qızǵınlıǵıńız, bilimge umtılıwıńız ushın raxmet aytaman,- dedi mámleket basshısı.- Biz keyingi jıllarda bilimlendiriwge ayrıqsha itibar qaratıp, qararlar qabıl etkenimiz, kitap oqıwdı xoshametlgenimiz nátiyjesin búgingi jaslarda kórip, quwanaman. Men sizler menen maqtanaman!

Prezident bul jarıs Buxarada ótip atırǵanına ayrıqsha dıqqat qarattı. Bul jerden Imom Buxoriy, Ibn Sino, Abduxoliq Ǵijduvoniy, Bahouddin Naqshband, Muhammad Narshaxiy, Abdurauf Fitrat sıyaqlı kóplegen ullı alımlar jetisip shıqqanın atap ótip, búgingi jaslar olarǵa múnásip miyrasxor bolıwına isenim bildirdi.

- Biz xalqımızdı razı qılıw, insan qádiri bálent bolǵan jámiyet qurıw jolın tańladıq! Buǵan erisiwde bizge kim tiykarǵı tayansh boladı? Álbette, siz sıyaqlı bilimli hám patriot jaslar,- dedi Shavkat Mirziyoyev.

Bıyılǵı jılı “Zakovat” intellektuallıq oyını dúzilgenine 20 jıl toldı. Prezident bilimli jaslarǵa sharayat jaratıw ushın kóplegen baslamalardı bildirdi. Áwele, mámleketimiz jaslarındaǵı ilimge umtılıw hám intellektuallıq potencialdı inabatqa alıp, “Zakovat” oyınları ǵalabalıq bilimlendiriw háreketine aylandırıladı.

Háreketti finanslıq qollap-quwatlaw ushın hár jılı 50 milliard sum aqsha ajratıladı. Hár bir mektep, hár bir joqarı oqıw ornında “Zakovat” klubı iskerligi barlıq orında jolǵa qóyıladı. Jeńimpazlar ushın “Zakovat” stipendiyası engiziledi. Tashkentte óz aldına imarat hám Intellektuallıq oyınlar qalashası qurıladı. Wálayatlarda bolsa “Intellektuallıq parkler”, Bostanlıq rayonındaǵı Jaslar dem alıw ornıında “Intellektuallıq mektep” dúziledi.

Jańa jıldan baslap student jaslar ortasında birinshi ret Prezident siylıǵı ushın Intellektuallıq olimpiada ótkeriledi. Dúnya tán alǵan ilimpazlar, atap aytqanda, Nobel sıylıǵı iyeleri menen ushırasıwlar ótkerip barıladı. Jas áwladtıń intellektuallıq potencialın arttırıwǵa qaratılǵan kompyuter hám mobil oyınlardı jaratqan programmistlerge arnawlı grant hám subsidiyalar ajratıladı.

- Mashaqatlı miyneti arqalı arzıw-úmitleri ámelge asqan insan - eń baxıtlı insan bolıp tabıladı. Sol sebepli mudamı bálentlerge umtılıń, iygilikli maqsetińiz ushın gúresiń. Mudami oqıń-úyreniń, ózińizge iseniń, jańa nárselerdi oylap tabıń, jańalıqlar jaratıń, aldıǵa nıq qádem taslań,- dedi Shavkat Mirziyoyev.

Prezidentimiz pármanına muwapıq, “Zakovat” klubına tiykar salǵan Abdurasul Abdullayev hám de final basqıshı jeńimpazları mámleket sıylıqları menen sıylıqlandı.