|
ÓZBEKSTAN RESPUBLIKASI PREZIDENTI ǴMDA ShEŃBERINDEGI KÓP QIRLI ShERIKLIKTI JÁNE DE KEŃEYTIW BASLAMASIN ALǴA QOYDI
Ózbekstan Respublikası Prezidenti Shavkat Mirziyoev 15-oktyabr kúni Ǵárezsiz Mámleketler Doslıq awqamı Mámleket basshıları keńesiniń videokonferenciya formasında ótken yubiley májilisinde qatnastı.
Belarus Respublikası Prezidenti Aleksandr Lukashenko basshılıǵında ótken sammit jumısında Armeniya Respublikası Bas ministri Nikol Pashinyan, Moldova Respublikası Bas ministri Natalya Gavrilica, Azerbayjan Respublikası Prezidenti Ilham Aliev, Rossiya Federaciyası Prezidenti Vladimir Putin, Tájikstan Respublikası Prezidenti Imomalı Rahmon, Túrkmenstan Prezidenti Gurbanguli Berdimuhamedov, Qırǵızstan Respublikası Prezidenti Sadir Japarov, Qazaqstan Respublikası Prezidenti Qasım-Jomart Toqaev, ǴMDA Atqarıw komiteti baslıǵı - Atqarıwshı xatkeri Sergey Lebedev ta qatnastı.
Kún rejimine muwapıq delegaciyalar basshıları shólkem iskerliginiń 30 jıllıq dáwirinde kóp tárepleme sherikliktiń rawajlanıwı hám erisilgen tabıslar boyınsha pikir almastı, ekonomikalıq, huqıqıy hám materiallıq-gumanitar tarawlarda, sonıń menen birge, regiondaǵı qáwipsizlik hám turaqlılıqqa qáwip salıp atırǵan zamanagóy qáwip-qáterlerge qarsı gúresiwdegi sheriklikti jáne de keńeytiw máselelerin kórip shıqtı.
Mámleketimiz basshısı óz sóylewinde ǴMDA sheńberindegi sheriklikti bekkemlewdiń zárúrli baǵdarları boyınsha kózqarasın bayanladı.
Óz ara doslıq mámleketlerinde turaqlı ekonomikalıq rawajlanıwdı támiyinlew zárúrli ekeni ayrıqsha aytıp ótildi.
Pandemiya aqıbetleri óz tásirin kórsetip atırǵan búgingi sharayatta sawda-ekonomikalıq sheriklikte unamlı pát saqlanıp qalıp atır. Atap aytqanda, ámeldegi jıl basında Ózbekstannıń ǴMDAdagi sherikleri menen óz ara sawdası kólemi derlik otız procentten zıyat astı. Usı waqıtta tovar almasıw kórsetkishleri de muǵdar, da sapa tárepinen artıp barıp atır.
Usınıń menen bir qatarda Óz ara doslıq mákanında erkin sawda aymaǵınıń esaptan tısqarı hám sheklewlersiz, tolıq xızmet kórsetiwi zárúrligi belgilendi. Sol múnásibet penen kompleks analiz tiykarında birlespe sheńberindegi sawda siyasatın jáne de liberallastırıw boyınsha usınıslar islep shıǵıw belgilendi.
Qospa joybarlardı hár tárepleme qollap-quwatlaw hám biznestiń uzaq múddetli joybarların ámelge asırıw maqsetinde Ózbekstan Prezidenti sanaat kooperaciyasın rawajlandırıwdı ǴMDA mákanınıń 2022-jılǵı ekonomikalıq kún rejiminiń zárúrli máselesi sıpatında belgilewdi usınıs etti.
Búgingi kúnde Ózbekstan baslaması menen sheriklik boyınsha tiyisli uzaq múddetli baǵdarlama tayarlanıp atır. Kelesi jılda mámleketimizde Óz ara doslıqta sanaat kooperaciyası boyınsha forum hám kórgezbe ótkeriledi.
Mámleketimiz basshısı nátiyjeli regionlararalıq hám transaymaqlıq transport koridorları sistemasın, sonday-aq júk tasıw tariflerin tómenletiw hám tártibin ápiwayılastırıw arqalı jáne de rawajlandırıw zárúrligine ayrıksha itibar qarattı.
Ózbekstan qospa innovciyalıq baǵdarlamalardı aktiv ilgeri jıljıtıw hám jas isbilermenlerdi tartqan halda startap joybarlardı qollap-quwatlawdıń da tárepdarı bolıp tabıladı. Óz ara doslıq mámleketleriniń texnologiyalıq hám IT-parkleri ortasındaǵı sheriklik boyınsha baǵdarlama islep shıǵıw baslaması ilgeri súrildi.
ǴMDA ekonomikalıq keńesi iskerligine mámleketlerdiń isbilermen sheńberi hám aymaqları wákillerin tartıw arqalı keńes iskerligin kúsheytiw zárúrli ekeni aytıp ótildi.
Bunnan tısqarı, ıqlım ózgeriwine qarsı gúresiw hám “jasıl” kún rejimin ilgeri jıljıtıw, biologiyalıq qáwipsizlikti támiyinlew boyınsha umtılıw-háreketlerdi birlestiriw, miynet bazarın jetilistiriw, óz ara sayaxatshılar aǵımın qayta tiklew hám materiallıq-gumanitar almasıwdı keńeytiw máselelerine ayrıqsha itibar qaratıldı.
Aўǵanstandaǵı jaǵday haqkında sóz júrgizer eken, Ózbekstan Prezidenti awǵan xalqına adamgershilik hám ekonomikalıq járdemdi dawam ettiriw maqsetke muwapıq ekenin aytıp ótti.
Usı waqıtta terrorizm hám narkotrafikke qarsı gúresiw boyınsha sheriklikti kúsheytiw zárúrligi jazıp qoyıldı.
Mámleketimiz basshısı sóziniń juwmaǵında Ózbekstan ǴMDA mámleketleri xalıqlarınıń párawanlıǵı jolındaǵı sheriklikte anıq nátiyjelerge erisiw maqsetinde konstruktiv baylanıstı dawam ettiriw hám jaqınnan sheriklik qılıwda qatań ekenin tastıyıqladı.
Sammit juwmaǵında shólkemniń 30 jıllıǵı múnásibeti menen bayanat, biologiyalıq qáwipsizlikti támiyinlew, migraciya tarawlarında sheriklik haqqında bayanatlar, Joqarı sud wákilleriniń keńesin dúziw haqqında pitim hám de kóp tárepleme sherikliktiń túrli baǵdarlarına tiyisli basqa qatar zárúrli hújjetler qabıllandı.
Do'stlaringiz bilan baham: | 
