1. Асинхрон двигателларнинг роторлари хакида тушунча

12. Аён қутбли СГ нинг вектор диаграммалари. Аён қутбли СГ нинг вектор диаграммаси (19.18) тенгламага асосида қурилади. Диаграммани қуриш учун юқоридаги ноаён қутбли СГ да келтирилган маълумотлардан ташқари, якорь реакциясининг синхрон индуктив қаршилиги ўрнига машинанинг бўйлама ва кўндаланг ўқлари бўйича тегишлича х_аd ва х_аq индуктив қаршиликлари маълум бўлиши керак.
СГ нинг фазавий токлари бир хил бўлганда, вектор диаграмма фақат бир
фаза учун қурилади. Диаграммани қуришни қўзғатиш чулғами ҳосил қилган магнит оқими Ф₀ ни бирор йўналиш бўйича (масалан, абсциссалар ўқи бўйича) йўналтиришдан бошлаймиз. Статор чулғамида ҳосил бўлган ЭЮК Е₀ вектори магнит оқими Ф дан 90 орқада чизилади. Статор токининг I₁ вектори юклама характерига қараб Е₀ векторидан  бурчакка олдинда ёки орқада бўлган йўналишда чизилади. Агар юклама актив-индуктив (аралаш) характерли бўлса, статор токи I₁ вектори ЭЮК Е₀ векторидан  бурчакка ор-қада (19.6,а-расм), актив-сиғимий характерлида эса, I₁ ток ЭЮК Е₀ вектори-дан  бурчакка олдинда келадиган қилиб чизилади.
Юклама токи I₁ бўйлама I_d  I₁ sin ва кўндаланг I_q  I₁ cos ташкил этувчиларга ажратилади, бунда I_q ЭЮК вектори Е₀ билан бир фазада, токнинг бўйлама ташкил этувчиси I_d эса ЭЮК Е₀ векторидан актив-индуктив юкламада 90 орқада, актив-сиғимий юкламада эса 90 олдинда чизилади.
Актив-индуктив юкламада E_ad вектори E₀ векторга тескари йўналишда, E_aq эса E₀ векторидан 90 орқада бўлган йўналишда чизилади. Тарқоқ оқим туфайли ҳосил бўлган ЭЮК вектори E_1 ток вектори I₁ дан 90 орқада чизи-
лади. Статор чулғами актив қаршилигидаги куч ланиш пасайиши ток вектори
I₁ га нисбатан тескари чизилади (чунки унинг ишораси минус). 0 нуқтани I₁r₁
вектор учи билан туташтириб, статор чулғами кучланиш U₁ ни топамиз.
Агар генератор юкламаси актив-сиғимий характерли бўлса (19.4,b-расм), I₁ вектори ЭЮК E₀ дан  бурчакка олдинда келади. Магнит оқими Ф_ad нинг йўналиши Ф₀ вектори йўналиши бўйича бўлади, яъни якорь реакцияси маг-нитловчи таъсир кўрсатади. Шу сабабли актив-сиғимий характерли юклама учун вектор диаграмма қурилганда векторининг йўналиши 19.6,а-расмдаги диаграммага нисбатан 180 га ўзгаради, яъни E₀ вектори йўналишида қўйилади. Вектор диаграмманинг қолган қисмини қуриш юқори-даги усулда амалга оширилади (бу вектор диаграмма китобда келтирилмаган).
Шундай қилиб, СГ нинг юкламаси индуктив ва актив-индуктив характер-да бўлса, якорь реакцияси машинанинг магнит занжирини магнитсизлайди, юклама сиғимий ва актив-сиғимий характерда бўлганда эса, якорь реакцияси машинанинг магнит занжирига магнитловчи таъсир кўрсатади.