1-Амалий машғулот Mavzu: Avtotraktor dvigatellarining krivoship shatun mexanizmi, tuzilishi va ishlashini o’rganish

D-240 dvigatelida klapanlarning issiqlik tirqishini rostlash.
a) 1-silindrda siqish taktining boshlanishini aniqlash tartibi xuddi D-144 dvigatelida amalga oshirilganidek bajariladi.
b) 1-silindr porshenini Yu.Ch.N. ga olib kelish uchun dvigatel maxovigi karterining o’ng tarafida joylashgan shpilka yechib olinadi va shu teshikga shpilka rezbasi yo’q qismi bilan qo’yiladi. Uni barmoq bilan maxovik tarafga siqib, dvigatel tirsakli vali soat strelkasi yo’nalishida aylantiriladi, toki shpilka maxovikdagi uyaga tushgunga qadar. Shpilka maxovikdagi uyaga to’shganda 1-silindr porsheni Yu.Ch.N.da bo’ladi. Dekom-pressiya mexanizmi ajratiladi va 1-silindr klapanlarining issiqlik tirqishi (0,3 mm) rostlanadi. Qolgan silindrlarning klapanlarini issiqlik tirqishini rostlash xuddi D-144 dvigateli uchun yozilganidek amalga oshiriladi.
«Kamminz» dvigatelida klapanlarning issiqlik tirqishini rostlash
Dvigateldagi yoqilg’i nasosining yonida gaz taqsimlash valining shesternyasi joylashgan qismida 1-silindr porshenining siqish jarayonida Yu.Ch.N.da bo’lish holatini aniqlovchi barmoqcha joylashgan. Bu barmoqni cheklovchi xalqa chiqarib olinadi va uni qo’l bilan ichki tarafga siqib dvigatel tirsakli vali soat strelkasi yo’nalishida sekin aylantiriladi. Barmoq ichki tarafga siljib shesternyadagi uyaga kirgandan so’ng dvigatelni oldingi qismidan (1-silindrdan) boshlab 1, 2, 3 va 6- klapanlarni issiqlik tirqishi rostlanadi. Barmoq shesternyadagi uyadan tortib chiqariladi va cheklovchi xalqa joyiga qo’yiladi so’ng tirsakli val 360⁰ ga soat strelkasi yo’nalishida aylantirilib qolgan 4, 5, 7, 8, klapanlarning issiqlik tirqishi (kiritish klapani uchun 0,25 mm, chiqarish klapani uchun 0,5mm) rostlanadi


Gaz taqsimlash mexanizmida uchraydigan buzuqliklar va ularni bartaraf etish

1. 
   Klapanlar to’la ochilmaydi va shovqin eshitiladi. Bu holda klapanlarni issiqlik tirqishini rostlash kerak yoki shtanga qiyshaygan uni ishga yaroqlisi bilan almashtirish kerak.
   
2. 
   Klapan faskasi egarga jips joylashmaydi. Bu holda klapanlarni pritirka qilish kerak.
   
3. 
   Yo’naltiruvchi vtulka yeylangan. Bu holda uni almashtirish kerak.
   
4. 
   Klapan va klapan egari o’ta qizib kuygan. Bu holda ularni almashtirish kerak.
   
5. 
   Klapan salniklari moyni silindrga o’tkazishi natijasida svechalarni (moy qoplaydi) ho’llaydi, natijada uchqun hosil bo’lmaydi. Bu holda klapan salniklarini almashirish kerak.
   
6. 
   Gaz taqsimlash mexanizmining detallari ishqalanib ishlashi natijasida yeylangan. Bu holda ularni tiklash mumkin bo’lsa qayta tiklash yoki yangisi bilan almashtirish kerak