1. алкенлар а номланиши ва изомерияси

2 – Дарс

ТЎЙИНМАГАН УГЛЕВОДОРОДЛАР 1. АЛКЕНЛАР а) номланиши ва изомерияси б) олиниши в) хоссалари г) ишлатилиши 2. АЛКИНЛАР а) номланиши ва изомерияси б) олиниши в) хоссалари г) ишлатилиши 3. АЛКАДИЕНЛАР а) номланиши ва изомерияси б) олиниши в) хоссалари г) ишлатилиши

ТЎЙИНМАГАН УГЛЕВОДОРОДЛАР –
Тўйинмаган углеводородлар деб углеродларнинг сони тўйинган углеводородларникига тенг бўлиб, водородларнинг сони тўйинган углеводородларникидан 2,4,6 … га кам бўлган углеводородларга айтилади.
Тўйинмаган углеводородлар асосан битта қўшбоғли – этилен, иккита қўшбоғли – диен, уч боғли – ацетилен, кўп қўшбоғли – полиен, кўп уч боғли - полиин углеводородларига бўлинади.
Этилен углеводородлари
Алкенлар (олефинлар, этилен углеводородлар) – C_nH_2n умумий формулага эга бўлган, бу ерда n2, молекуласида битта қўш боғ сақлаган тўйинмаган углеводородлар қатори. Қўш боғ билан боғланган углерод атомлари sp² гибридланган ҳолатда 120° валент бурчак ҳосил қилади. Уларнинг гомологик қатори этилендан бошланади.
Гомологик қатори:

Формуласи	Номланиши	Структура формуласи	Тасвирланиши	Изомерлар сони
С2Н4	Этен	СН2 = СН2	//	1
С3Н6	Пропен	СН3 – СН = СН2	/\\	1
С4Н8	Бутен	СН3 – СН2 – СН = СН2	/\//	3(4)
С5Н10	Пентен	СН3 – (СН2)2 – СН = СН2	/\/\\	5(6)
С6Н12	Гексен	СН3 – (СН2)3 – СН = СН2	\/\/\\	12(16)
С7Н14	Гептен	СН3 – (СН2)4 – СН = СН2	/\/\/\\
С8Н16	Октен	СН3 – (СН2)5 – СН = СН2	/\/\/\//	66
С9Н18	Нонен	СН3 – (СН2)6 – СН = СН2	/\/\/\/\\
С10Н20	Децен	СН3 – (СН2)7 – СН = СН2	/\/\/\/\//
С11Н22	Ундецен	СН3 – (СН2)8 – СН = СН2	/\/\/\/\/\\
С12Н24	Додецен	СН3 – (СН2)9 – СН = СН2	/\/\/\/\/\//
С15Н30	Пентадецен	СН3 – (СН2)12 – СН = СН2	/\/\/\/\/\/\/\\
С20Н40	Эйкозен	СН3 – (СН2)17 – СН = СН2	/\/\/\/\/\/\/\/\/\//
С25Н50	Пентакозен	СН3 – (СН2)22 – СН = СН2	/\/\/\/\/\/\/\/\/\/\/\/\\
С30Н60	Триаконтен	СН3 – (СН2)27 – СН = СН2
С40Н80	Тетраконтен	СН3 – (СН2)37 – СН = СН2
С100Н200	Гектен	СН3 – (СН2)97 – СН = СН2

Алкенлар тарихи:
Этилен биринчи марта 1669 йил немец кимёгари ва врачи Бехер томонидан этил спиртига сульфат кислота таъсирида олинган, кейинчалик “Бехер ҳавоси” деб номланган. Худди шу усул билан голландиялик Дейман, Потс-ван-Трооствик, Бонд ва Лауверенбурглар этиленни 1795йилда олишган ва уни “ёғ-мой ҳосил қилувчи газ” деб номлашган. Сабаби – этилен хлор молекуласини бириктириб мойсимон суюқлик дихлорэтан ҳосил қилади. Olefiant – мой ҳосил қилувчи, француз тилидан олинган. Антуан Фуркруа француз кимёгари олефинлар сўзини фанга киритган. 1862 йилда немец кимёгар-органик олим Э.Эрленмейер этиленда қўш боғ борлигини назарий айтган ва 1870 йил рус химиги А. М. Бутлеров буни тажриба йўли билан исботлади.
Тўйинмаган бир валентли радикаллар:
CH₂=CH— «винил», CH₂=CH—CH₂— «аллил» ёки «1-пропенил», CH₂=C—CH₃ «2-пропенил» ёки «изо-пропенил».
Этилен углеводородларини ҳам уч хил номенклатурада номлаш қабул қилинган.
Эмперик номенклатура бўйича номлаганда тўйинган углеводородлар номи охиридаги –ан қўшимчасини –илен қўшимчасига алмаштириб ҳосил қилинади:
СН₂ = СН₂ - этилен
СН₃ – СН = СН₂ - пропилен
Рационал номенклатура бўйича этиленни асос қилиб олинади ва унинг гомологлари этеленнинг ҳосилалари деб қаралади.
СН₃ – СН = СН₂ - метилэтилен
Систематик номенклатура бўйича этилен углеводородларининг номи тегишли тўйинган углеводородлар номи охиридаги –ан қўшимчасини –ен қўшимчасига алмаштириб ҳосил қилинади. Радикалларнинг номи ва ҳолати рақамлар билан кўрсатилади. Қуйида этилен углеводородларини юқоридаги номенклатуралар бўйича номлашга мисоллар келтирамиз.




Изомерияси:
Алкенларда 2 хил изомерия кузатилади.

1. 
   Тузилиш изомерияси
   

   а) Углерод скелет	б) Қўш боғнинг ҳолат	в) Синфлараро

2. 
   Фазовий изомерия
   

а) Геометрик изомерия

Этилен углеводородларининг изомерияси учунчи вакилидан бошланади. Улар изомерларининг сони тегишли тўйинган углеводородларникига қараганда кўп. Бунга сабаб, уларда структура изомериясидан ташқари фазовий ёки геометрик (цис-транс) изомериянинг мавжудлиги ҳисобланади. Фазовий изомерия қўшбоғ билан боғланган икки углерод атомида бир хил функционал гуруҳлар бўлган бирикмаларда юзага келади. Бу функционал гуруҳлар қўшбоғга нисбатан фазода бир томонда жойлашган бўлсалар цис-изомер, қарама-қарши томонда жойлашган бўлсалар транс-изомер ҳосил бўлади. Бу изомериянинг мавжуд бўлишига сабаб шуки, қўшбоғ билан боғланган углерод ўз ўқи атрофида айлана олмайди. Яъни қўш боғни узмасдан туриб радикалларнинг фазовий ҳолатини ўзгартириб бўлмайди. Шунинг учун функционал гуруҳлар фазода углерод – углерод (С – С) боғланиш атрофида эркин айлана олмайдилар. Натижада изомерия вужудга келади.
Табиатда учраши (физиологик активлиги) ва олиниш усуллари:
Табиатда ациклик олефинлар кам учрайди. Этилен ўсимликлар учун гармон ҳисобланади ва қисман ўсимликларда синтезланади. Яна бир табиий алкен – мускалур (цис- трикозен-9) уй пашшаси (Musca domestica) урғочисининг жинсий аттрактантидир.

Кичик алкенлар юқори концентрацияда наркотик таъсирга эга, юқори алкенлар эса тутқаноқлик чақириб, нафас йўллари шиллиқ пардасини яллиғлайди.
Этилен – наркоз таъсирга эга, яллиғлантирувчи ва мутаген таъсирга эга.
Пропилен – наркоз таъсирга эга, умумий заҳарлилик ва мутаген таъсирга эга (этилендан кучли).
Бутен-2 – наркоз, яллиғлантирувчи таъсирга эга.
Этилен углеводородлари нефт таркибида учрайди. Нефт таркибидан С₆Н₁₂ дан С₁₃Н₂₆ гача бўлганлари ажратиб олинади.
Этилен углеводородларининг дастлабки тўрт вакили нефтни қайта ишлаш маҳсулотлари таркибидан ажратиб олинади. Уларни яна тошкўмирни коксга айлантириш вақтида ҳосил бўладиган газлардан ҳам ажратиб олиш мумкин.

1. 
   С
   
   аноатда этилен углеводородлари асосан тўйинган углеводородлардан водородларни тортиб олиш (дегидрогенлаш) орқали олинади. Бу жараёнда катализатор сифатида хром оксиди ишлатилади:
   

2. 
   Дигалогенли ҳосилаларни дегалогенлаш
   

3. 
   Моногалогенли ҳосилаларни дегидрогалогенлаш
   

4. 
   Спиртларни дегидратлаш (Al₂O₃ – катализатор). Спиртлардан сувнинг ажралиб чиқиши Зайцев қоидасига биноан боради, бунда водород энг кам водород тутган углерод атомидан ажралади, яъни:
   

5. 
   Алкинларни гидрирлаш (палладий – Линдлар катализатори)
   

6. 
   Крекинг
   

Физик хоссалари:
Гомологик қаторнинг C₂H₄ то C₄H₈ — газ, C₅H₁₀ то C₁₇H₃₄ — суюқлик, қолганлари қаттиқ моддалардир. Ҳиди алканларники каби.
Тўғри занжир ҳосил қилиб тузилган олефинлар тармоқланган занжирли изомерларига қараганда юқори ҳароратда қайнайдилар.
Цис-изомерлари транс-изомерларига нисбатан юқори ҳароратда қайнайдилар.
Олефинларнинг зичлиги бирдан кичик, лекин тегишли парафинларникидан катта. Олефинлар сувда оз эрийдилар, лекин уларнинг эрувчанлиги парафинларникига қараганда юқори. Улар айрим оғир металлар тузлари эритмаларида (Сu₂Cl₂, Pt ва х.о.) яхши эрийдилар ва улар билан комплекс бирикмалар ҳосил қиладилар. Алкенлар сувда эримайди. Органик эритувчиларда яхши эрийди.

№