1. алкенлар а номланиши ва изомерияси

АЙРИМ ВАКИЛЛАРИ ВА УЛАРНИНГ ИШЛАТИЛИШИ. Ацетиленнинг саноатда олиниши ва улар асосидаги синтезларни юқорида кўриб чиқдик. Ацетилен саноатнинг кўп минг тонналик маҳсулоти бўлиб, ҳозирги кунда собиқ иттифоқда бўйича йилига 230 минг тонна ацетилен ишлаб чиқарилмоқда. Унинг ҳосилалари орасида винилацетилен, ацетилен спиртлари ва бошқаларнинг аҳамияти ғоят катта.
Винилацетилен +5⁰С да қайнайдиган газ. Ацетиленни метандан олишда қўшимча маҳсулот сифатида ҳосил бўлади. Уни ацетилендан ҳам олиш мумкин. Винилацетиленга водород ҳлорид бириктириб саноатда хлоропрен (2-хлорбутадиен-1,3) олинади. Хлоропрен ёнмайдиган каучук ва резиналар олишда хом ашё сифатида ишлатилади. Ацетилендан фойдаланиб юқори молекулали бирикмалар, сунъий қон, мономерлар ва бошқалар олинади.
Ацетилен асосида саноатда қуйидаги махсулотлар олинади:

1. 
   Тетрахлорэтан, трихлорэтилен, дихлорэтилен – эритувчилар
   
2. 
   Акрилонитрил – полиакрилонитрил (синтетик тола)
   
3. 
   Акриламид – полиакриламид (синтетик тола)
   
4. 
   Тетрагидрофуран – эритувчилар ва полимерлар
   
5. 
   Винилхлорид – поливинилхлорид
   
6. 
   Винилацетат – поливинилацетат
   
7. 
   Ацетальдегид – ацетон, сирка кислота
   
8. 
   Бутиленгликоль – полиуретан, полиэфир, пластификатор
   
9. 
   Винилацетилен – клей, каучук
   
10. 
    Хлоропрен – хлоропрен каучук
    
11. 
    Бутадиен – бутадиен каучук олишда ишлатилади.
    

Гибридланиш

ДИЕН УГЛЕВОДОРОДЛАРИ (АЛКАДИЕНЛАР)
Диен углеводородларининг тузилишида қўшбоғ иштирок этади. Уларнинг умумий формулалари С_nH_2n-2 билан ифодаланиб, n3 шарти қониқтирилиши шарт.
Қўшбоғларнинг ўзаро жойлашувига қараб диен углеводородлари 3 гуруҳга бўлинадилар ва қуйидагича номаландилар:

1. 
   Қўшбоғлари кетма-кет келадиган (қўшбоғлари йиғилган) диенлар:
   

СН₂ = С = СН₂ аллен, пропадиен
СН₃ – СН = С = СН₂ метилаллен, 1,2-бутадиен

2. 
   Туташ қўшбоғли диенлар:
   

СН₂ = СН – СН = СН₂ дивинил, 1,3-бутадиен
СН₂ = С(СН₃) – СН = СН₂ изопрен, 2-метилбутадиен-1,3

3. 
   Ажратилган қўшбоғли диенлар:
   

СН₂ = СН – СН₂ – СН₂ – СН = СН₂ диаллил, 1,5-гексадиен
Диен углеводородлари орасида туташ қўшбоғли диенларнинг аҳамияти катта. Улар синтетик каучук ва бошқа қимматли бирикмалар олишда ишлатилади. Қуйида биз туташ қўшбоғли диенларнинг олиниш усуллари, хоссалари ва ишлатилиши билан танишиб чиқамиз.