1 – мавзу: инвестицияларнинг иқтисодий мазмуни, моҳияти ва инвестиция жараёнларининг асосий босқичлари

5.2-жадвал
Жаҳон банкининг Ўзбекистонда амалга оширган йирик лойиҳалари,
млн. дол.

	Лойиҳа ҳажми
Саломатлик-2	39,48
Дреннаж, ирригация ва тупроқ ҳосилдорлигини ошириш	74,55
Бухоро ва Самарқанд шаҳарларида ичимлик суви таъминотини яхшилаш	40,0
Қишлоқ хўжалик корхоналарини қўллаб қувватлаш	36,14
Фарғона водийсида сув ресурсларини бошқариш	65,54

Халқаро тараққиёт ассоциацияси (ХТА) — 1960 йилда ташкил этилган бўлиб, унга аъзо мамлакатлар сони 169 тани ташкил этади. ХТА узоқ муддатга фоизсиз, кредит кўринишида қарз ва деярли бозор шартлари бўйича қарз олиш имконига эга бўлмаган дунёнинг энг паст даромадли 82та мамлакатларига грантлар беради. ХТА кредит операцияларини донор мамлакатига бадаллари, ХТТБнинг соф фойдасини ўтказиш, ХМКнинг грантлари ва уюшма томонидан ажратган кредитларидан келадиган тушумлар ҳисобига молиялаштирилади.
ХТАнинг мақсади ривожланаётган мамлакатларга имтиёзли кредитлар беришдан иборат бўлиб, заҳиралаштирилган кредит маблағларининг жами ҳажми 207 млрд. долларга этган. ХТА кредитлари 10 йиллик имтиёзли даврни камраб олган ҳолда 35 — 40 йилга берилади. Кредитлар ҳажми СДРда акс эттирилади, лекин молиялаштириш лойиҳа харажатлари амалга ошириладиган валютада берилади. Олинган қарз бўйича фоиз ҳисобланмайди, аммо кредит бўйича хизмат кўрсатишдан кредитнинг 0,75% миқдорида комиссия ҳақи олинади. Жаҳон ҳамжамияти ХТАни кам ривожланган мамлакатларга ёрдам берувчи энг самарали ташкил этилган молия институти сифатида тан олади.