1 – Амалий машғулот. Нефтни қайта ишлаш ва яримфабрикатларни тозалаш

Пластик сурков мойларининг асосий вазифаси. Пластик сурков 
мойларининг асосий функцияси – механизм ва машиналар хизмат муддатини 
узайтириш учун ишқаланувчи деталлар ейилишини камайтиришдир. Шу билан 
бирга сурков мойлари бошқа функцияларни ҳам бажаради. Баъзи ҳолларда улар 
нафақат ейилишни камайтирадилар, балки ишқаланувчи юзаларнинг 
тирналиши, тиқилиши ва қадалишига йўл қўймай, ейилишни тартибга солади. 
Сурков мойлари ишқаланадиган юзаларга агрессив суюқликлар, газлар ва 
буғлар ҳамда абразив материаллар (чанг, ифлосликлар ва ш.к.) ўтишига 
қаршилик қилди. 
Пластик сурков мойлари структураси. Бу мойлар коллоидли тизим 
бўлиб, қуюқлаштиргич кристаллари структуравий каркас ҳосил қилади, бу 
каркас ички ҳажмининг 80...90% ини суюқлик ташкил қилади. Пластик сурков 
мойининг характерли хусусияти – структуравий каркас бузилиши жараёнининг 
қайта тикланишидир: катта юк таъсирида каркас бузилади ва мой суюқлик каби 
ишлайди, юк олиниши билан каркас тезда тикланади ва сурков мойи қаттиқ 
жисм хоссаларига эга бўлиб олади. 
Сурков мойларининг мойларга нисбатан афзалликлари: герметик 
бўлмаган ишқаланиш узелларида сақланиб қолиш қобилиятига эга, мойловчи ва 
ҳимояловчи хоссалари яхши, юқори тежамкор. Суюқ мойларни ишлатиш 
мумкин бўлмаган жойларда сурков мойлари ишлатилади. Сурков 
мойларининг камчиликлари – ишқаланувчи деталларни совитиш 
қобилиятининг ёмонлиги, ишқаланиш зонасидан ейилиш маҳсулотларининг 
олиб кетилмаслиги, ишқаланиш узелига киритишнинг қийинлиги. 
Пластик сурков мойлари таркиби. Пластик сурков мойлари икки 
компонентдан: асосни ташкил қилувчи мой (минерал, синтетик, ўсимлик ёки 
бошқа мой)дан ва қаттиқ қуюқлаштиргич (совунли ёки совунли бўлмаган)дан 
таркиб топади. Сурков мойларида структура стабилизатори ва присадкалар, 
кўпинча эса турли тўлдиргич (графит, молибден дисулфиди, кукунсимон 

---

75 
металлар ёки уларнинг оксидлари ва бошқа)лар бўлади. Қуюқлаштиргич қаттиқ 
структуравий каркас ҳосил қилади, унинг ичида мой жойлашади. Бундай сурков 
мойлари структурлашган дейилади. Таркибида юмшоқ металлар ёки уларнинг 
оксидлари бўлган сурков мойлари плакирлашган деб аталади. Сурков 
мойларида қуюқлаштиргич миқдори 10...20% ни ташкил қилади. Юқори 
молекуляр ёғли кислоталар ёки табиий ёғларнинг металли совунларининг 
қуюқлаштиргичлари энг кенг тарқалган. Ушбу қуюқлаштир-гичлардан 
фойдаланиб, совунли сурков мойлари тайёрланади. 
Углеводородли, бентонитли, силикагелли ва бошқа сурков мойлари ҳам 
мавжуд; уларда қуюқлаштиргич вазифасини углеводородлар ва ноорганик 
моддалар ўтайди. Булар – совунсиз сурков мойлари деб аталади.