“ Ўзбекистоннинг тарақҚиёт стратегияси: фуқоролик жамияти ” фанидан

Тўртинчидан, Ўзбекистон Республикаси Вазирлар Махкамасининг “Меҳнат стажини ҳамда бюджетдан ташқари пенсия жамғармасига суғурта тўловлари даврийлигини рўйхатга олиш тизимини янада такомиллаштириш тўғрисида”ги қарори лойиҳаси ишлаб чиқилиши кўзда тутилган. Ушбу қарор меҳнат стажини электрон тарзда рўйхатга олиш хамда давлат ижтимоий суғурта тўловларини амалга оширувчи жисмоний шахсларнинг ягона реестрини юритиш имконини беради.
Ҳаракатлар Стратегиясида соғлиқни сақлаш тизимини тубдан ислоҳ қилишга катта эътибор берилган, Албатта, бу борада ҳозиргача қилинган ишлар кўлами жуда катта. Жумладан, 2016 йил – “Соғлом она ва бола йили” деб эълон қилинди. Ана шу шиор юзасидан давлат дастури қабул қилинди. Дастурга кўра мамлакатимиздаги тиббиёт мусассасаларини замонавий диагностика ва даволаш ускуналари билан жиҳозлаш учун 80 миллион доллар қийматидаги кредит ва грант маблағлари йўналтирилган. Умуман мустақиллик йилларида болалар ва оналар ўлими кескин камайди. Ушбу кўрсаткич бўйича Ўзбекистон Бирлашган Миллатлар Ташкилотининг Минг йиллик ривожланиш мақсадларига тўлиқ эришди. Нуфузли халқаро институтларнинг эътироф этишича, Ўзбекистон дунёнинг 125 та давлати орасида хотин-қизлар учун қулай шарт-шароитлар яратиш ва оналикни мухофаза қилиш борасида етакчи ўринлардан бирини эгаллаб турибди. Жаҳон рейтингида мамлакатимиз ёш авлод саломатлигига энг кўп ғамхўрлик кўрсатаётган 10 та давлат сафидан жой олди. Аҳоли генофондини яхшилаш борасида амалга оширилаётган чора-тадбирлар натижасида аёлларнинг ўртача умри 66 ёшдан 73,5 ёшга узайди. Оналар ва гўдаклар ўлими уч баробар камайди.¹
Президент Ш.М.Мирзиёев ташаббуси билан 2017–2021 йилларда соғлиқни сақлаш тизимида юқори технологиялар асосида ихтисослашган марказлар ва тез тиббий ёрдам станциялари бўйича мавжуд камчиликларни бартараф этиш, тиббиёт ходимлари малакасини ошириш тизимини бутунлай ислоҳ қилишга қаратилган чора-тадбирлар комплекси тизимни ишлаб чиқишни талаб қилмоқда. Шунингдек, 340 номдаги дори воситалари ва тиббиёт буюмлари чегараланган нарх бўйича сотилишини ташкил этишга жиддий эътибор қаратилган.Ҳаракатлар Стратегиясига мувофиқ 78 та туман тиббиёт бирлашмасини, 7 та шаҳар ва 2 та вилоят кўп тармоқлди тиббиёт марказини қайта қуриш, тез тиббий ёрдам хизматини 1200 та махсус автотранспорт билан таъминлаш режалаштирилган.
Президент Ш.М.Мирзиёев соғлиқни сақлаш тизимини ислоҳ қилиш ва хизмат маданиятини ошириш хусусида гапирар экан, “Тиббий хизмат инсон манфаатларини таъминлашнинг муҳим омилларидан биридир. Тиббиёт ҳодимлари уйма-уй юриб, касалликларни профилактика қилиши, соҳадаги ўзгаришларни одамлар сезиши керак. Бунинг учун шифокорларнинг маданиятини, маънавиятини, маъсулиятини ошириш, ишга ва беморларга муносабатини ўзгартириш зурур”–деди. Дарҳақиқат, мамлакатимиз иқтисодий жиҳатдан анча бақувват давлатлар қаторига киради. Жумладан, унинг қудратини ижтимоий соҳани, хусусан, соғлиқни сақлаш тизимини тубдан ислоҳ қилиш борасидаги кенг миқёсли фаолиятида кўриш мумкин. Бироқ, хизмат маданияти, тиббиёт ходимларининг малакавий тайёргарлиги, ўз соҳасининг етук мутахассисига қўйилган талабларга жавоб бера олиш даражаси ва энг муҳими беморлар билан мулоқотда инсонийлик муносабатлари муҳим аҳамиятга эга. Бу бевосита тарбия билан, ўз соҳасини замонавий билимлар доирасида чуқур эгаллаш ва ўз касби билан фахрланиш туйғусига боғлиқ бўлган маънавий, маърифий ва аҳлоқий ҳодиса. Соҳада бутун чоралар билан манфаатпарастлик, таъмагирлик, беморнинг қўлига қараб туриш иллатларига барҳам бериш, хизмат маданиятини янада ошириш тақозо этилади.