“ Ўзбекистоннинг тарақҚиёт стратегияси: фуқоролик жамияти ” фанидан

* * *
Мавзуга доир материал
Германия Федерал ҳукумати Ўзбекистон Республикасини парламент ваколатларини кенгайтириш, иқтисодиётни эркинлаштириш ва ҳуқуқий тизимни ислоҳ қилишга қаратилган 2017—2021 йилларда мамлакатни ривожлантириш бўйича Ҳаракатлар Стратегиясини амалга оширишда ҳамкор сифатида қўллаб-қувватлайди. Шунингдек, минтақа давлатлари билан ташқи сиёсатнинг устувор йўналишлари сифатида Сиз белгилаб берган дўстона ва яқин қўшничилик муносабатларини янада ривожлантиришни Германия қўллаб-қувватлашини таъкидламоқчиман.
Ангела МЕРКЕЛЬ,
Германия Федератив Республикаси Федерал канцлери.
* * *
Ҳаракатлар Стратегиясида узлуксиз таълим тизимини такомиллаштириш, малакали кадрлар тайёрлаш сиёсатини замонавий талаблар асосида янада ривожлантириш ҳамда таълим тизими моддий техник базасини мустаҳкамлаш масалалари алоҳида ўрин тутади. Албатта, мустақилликнинг ўтган даврида ўзбек миллий таълим тизими вужудга келди. У энг замонавий педагогик технологиялар асосида қайта қурилди. Шу билан бирга минг йиллар мобайнида шаклланган, миллий анаъналаримиз, қадриятларимиз, буюк тарихий ва маданий меросимиз, айниқса, миллий тарбия асосларимиз ҳисобга олинган ҳолда янги ўзбек таълим тизими вужудга келди. ¹
Таълим тизимига давлат эътибори ва ҳомийлиги яққол кўзга ташланади. Жумладан, ҳар йили давлат бюджетининг 60 фоиздан кўпроғи ижтимоий соҳага йўналтирилади. Ана шу ажратилган маблағнинг асосий қисми таълим тизимига сарфланади. Бу давлатимизнинг ёш авлодга, миллатимиз келажагига бераётган жуда катта эътиборидан далолат беради. Айтиш мумкинки, дунёнинг бирон бир давлатида таълим соҳасига бунчалик катта маблағ ажратилмайди.
Таълим ва фан соҳасини ривожлантириш борасидаги давлат сиёсатини мутахассислар қуйидагича изоҳлашади:
Биринчидан, янги таълим тизими баркамол авлод кадрларини тайёрлашдаги ўзгаришлар ва янгича ёндошувлар, замонавий касб соҳаларининг пайдо бўлгани ҳамда унинг мамлакатимиз шароити билан боғлиқлигидир;