“ Ўзбекистоннинг тарақҚиёт стратегияси: фуқоролик жамияти ” фанидан

Биринчидан, “Меҳнат миграцияси тўғрисида”ги Ўзбекистон Республикаси Қонуни лойиҳасини тайёрлаш ва уни қабул қилиш. Ушбу қонунга меҳнат миграциясига доир давлат сиёсатининг асосий тамойиллари, фуқароларимизнинг ҳорижда ишга жойлашиши механизми ва шакллари меҳнат мигрантлари билан ишлашга доир дипломатик ваколатхоналарнинг фаолият йўналишлари, хорижий мамлакатларда ишлаётган Ўзбекистон фуқароларининг дахлсизлиги ва хавфсизлигини таъминлаш, уларни ижтимоий ҳимояга олиш масалалари киритилиши кўзда тутилган. Бу давлат ижтимоий ҳимоя сиёсатининг нақадар юксак инсонийлашаётганидан, ҳар бир фуқаронинг тақдири, ҳаёти ва унинг келажагига бефарқ эмаслигидан далолат беради.¹
Иккинчидан, “Аҳоли бандлигига кўмаклашиш нодавлат ташкилотлари (рекрутинг) агентликлари тўғрисида”ги Ўзбекистон Республикаси Қонуни лойиҳасини тайёрлаш ва қабул қилиш. Ушбу қонунга кўра меҳнат бозори инфратузилмасини ривожлантириш, унинг имкониятларини кенгайтириш аҳоли бандлигини таъминлашдаги мутасадди ташкилотлар имтиёзлари ва имкониятларини амалдаги қонун доирасида кенгайтириш талаб этилади. Шунингдек, аҳоли даромадлари ва турмуш даражасини ошириш чора-тадбирларини кўришга жалб этиш, бу билан мамлакатда меҳнат бозори сифати ва самарадорлигини ошириш, уни ташкил этадиган ва бошқарадиган, йўналтирадиган идоралар масъулиятини ошириш, жавобгарликни чуқур ҳис қилиш ва давлат ижтимоий сиёсатини самарали амалга оширишга доир бурчини чуқур ҳис қилишни тақозо этади.
Учинчидан, “Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрсида”ги Ўзбекистон Республикасининг қонуни лойиҳасини тайёрлаш. Ушбу қонунга кўра ҳусусий секторда иш берувчи ва ҳодим ўртасидаги меҳнат шартномасини тузиш жараёнларини соддалаштириш, турли расмиятчилик, қоғозбозлик ортиқча талаблар ва кераксиз маълумотлар тўплашларга чек қўйиш, шунингдек, муддатли меҳнат шартномаси тузиш асосларини кенгайтириш назарда тутилган. Ишга олишнинг янги шаклларини, жумладан, бир марталик ёки соатбай ишга олиш ва иш ҳаққи тўлаш тартибини жорий этиш, уни амалдаги қонунлар доирасида ташкил этиш ва ижтимоий адолат принципларига қаътий риоя қилиш масалалари киритилади. Ҳодимлар билан меҳнат муносабатларини расмийлаштирмагани, меҳнатни муҳофаза қилиш қоидалари, ҳодимнинг ижтимоий суғурта қилиш бўйича талабларни бузганлиги учун иш берувчининг жавобгарлигини кучайтириш, унинг бундай бефарқлиги ва масъулиятсизлиги амалдаги қонунлар доирасида муносиб баҳосини олиши зурурлиги қайд этилади.